ރަންވީރު، އޭނާގެ ބްލެކް އެންޑް ވައިޓް ފޮޓޯއެއް ހިއްސާކޮށް އޭގެ ކެޕްޝަނުގައި ވަނީ "އާ ވާހަކައެއް ދައްކަބަލަ" އެވެ. އެއާއެކު ސަޕޯޓަރުންނާއި ފިލްމީ ތަރިން ވަނީ އެއަށް ކޮމެންޓުކޮށް އޭ ވާހަކައެއް ބުނުމަށް އެދި ސަމާސާކޮށްފަ އެވެ.
މިފަހުން ރަންވީރު ސޯޝަލް މީޑިއާ ބޭނުންކުރުން އިތުރުވެފައިވާއިރު އޭނާ އަންނަނީ އިންސްޓަގްރާމު ލައިވް މެދުވެރިކޮށް ސަޕޯޓަރުންނާއި ބައްދަލުކޮށް ވާހަކަ ދައްކަވަމުންނެވެ.
ރަންވީރުގެ އިތުރުން އޭނާގެ އަނބިމީހާ އަދި ބަތަލާ ދީޕިކާ ޕަޑުކޯން ވެސް މިފަހުން ސޯޝަލް މީޑިއާ ބޭނުންކުރުން ވަނީ އިތުރުވެފަ އެވެ. އެމީހުން އުޅޭ ނޫޅޭ ގޮތް އަންނަނީ އިންސްޓަގްރާމު މެދުވެރިކޮށް ހިއްސާކުރަމުންނެވެ.
ރަންވީރުގެ ކުރިއަށް އޮތް ފިލްމު، "83" ވަނީ ކޮވިޑް-19 އާ ގުޅިގެން އިއުލާންކުރި ލޮކްޑައުންގެ ސަބަބުން ފަސްކޮށްފަ އެވެ. އެކަމުގެ ސަބަބުން ގޭގައި މަޑުކުރަން މިވަނީ އެމީހުންނަށް ޖެހިފަ އެވެ. އެކަމަކު ވަރަށް އަވަހަށް ބޮލީވުޑުގެ މަސައްކަތް ފަށާނެ ކަަމަށް ރިޕޯޓްތައް ބުނެ އެވެ.
