އަބްދުﷲ ޝާހިދުއަށް ފާޑު ވިދާޅުވެ ޖަމީލް ވިދާޅުވީ ޝާހިދަށް ބަރޯސާވެ ސިއްހީ ނިޒާމް އަޑި އަޅާލާފައި ވާކަމަށެވެ.
ރައްޔިތުންގެ ފައިސާއިން ބޮޑު ހޭދަ އެއްކޮށް ވަޒީފާއަށް މީހުން އިތުރުކޮށް ހެލްތު މިނިސްޓްރީއިން އޮބިއަޅާ ފޮރުވި ހަގީގަތް މުޅި ދުނިޔެއަށް ފެނިއްޖެ ކަމަށް ޖަމީލް ވިދާޅުވިއެވެ. މީގެ އިތުރަށް ޖަމީލް ވިދާޅުވީ ފޮނިބައިސާ ކަނޑަމުން ހިންގެވުމަކުން ފަތުރުވެރިންނެއް ރާއްޖެއެއް ނާންނާނެ ކަމަށާ ސަމާސާ ކުރާ ވަރަށްވުރެ އިގްތިސޯދީ މިވަޅުގަނޑުގެ ނާމާންކަން ބޮޑު ކަމަށެވެ.
ޖަމީލްގެ އެ ވާހަކަތަކަށް ރައްދުދެއްވާ އަމީތު ކުރެއްވި ޓްވީޓެއްގައި ވިދާޅުވީ ފަނޑިޔާރުގެ މިހާރު ބަދަލުވެއްޖެ ކަމަށެވެ.
އަދި ފަނޑިޔާރުންނަށް ބައި އަޅައިގެން މައްސަލަތައް ނިންމާ އުޅުނު ވަކީލުންގެ ޖަޒުބާތު ބަނޑުން ނުވާންވީ ސަބަބެއް ނެތްކަމަށް އަމީތު ވިދާޅުވިއެވެ. އަދި ތިޔަ ފަޅަ ފަޅައިގެންދާ ޖަޒުބާތުގެ އަސްލަކީ ފަނޑިޔާރު ގެއަށް އަތް ބޭނުމަށް އޮތް ހުރަސް ނޫން ބާ އޭ އަމީތު ސުވާލު ކުރެއްވިއެވެ.
އަމީތު އިތުރަށް ވިދާޅުވީ ކޮވިޑް19ގެ މި ހާލަތުން އަރައިގަތުމަށް މިސަރުކާރުން ގިނަ މަސައްކަތްތަކެއް ކުރަމުންގެންދާ ކަމަށެވެ.
މިހާލަތުގެ ނާޖާއިޒު ފައިދާ ސިޔާސީ ބޭނުމަކަށްޓަކާ ނަގަމުން ގެންދިއުމަކީ ލަދުވެތި ކަމެއް ކަމަށް ވިދާޅުވެ އަމިތު ވަނީ ޖަމީލްއަށް ވަރަށް ބޮޑަށް ފާޑުވިދާޅުވެފައެވެ.
