މާލެ ސިޓީ ކައުންސިލުން ވަނީ އެތަނުގައި ހުރި މަހާނަތަކުގެ ތެރެއިން މަހާނާގައި، “މަހާނަގާ” ޖަހާފައިވާ ފަރާތްތަކުން، ސެޕްޓެމްބަރު މަހުގެ 15 ވަނަ ދުވަހުގެ ކުރިން އެ ގާތަށް ނެގުމަށްފަހު، އެތަކެތި ގެންދިއުމަށް އަންގާފައެވެ.

ސިޓީ ކައުންސިލުން ބުނީ އެ މުއްދަތުގައި ނުނަގާ ހުންނަ މަހާނަ ގާތަށް އެ އިދާރާގެ ފަރާތުން ނަގާ އެތަކެތި ނައްތާލާނެ ކަަމަށެވެ.

މީގެއިތުރުން ސިޓީ ކައުންސިލުން ބުނީ މަހާނަގާތަށް ނެގުމުގެ މަސައްކަތް ކުރަންވާނީ ކަމާބެހޭ އިދާރާގެ ސްޕަވައިޒަރާ ފޯނުން ގުޅުމަށްފަހު (7994565) ސްޕަވައިޒަރު އަންގާގޮތެއްގެ މަތިންކަމަށެވެ.

ސިޓީ ކައުންސިލުން މައްޗަންގޮޅީ އާސަހަރާގެ މަހާނަތަކުގެ ތެރެއިން މަހާނާގައި، “މަހާނަގާ” ޖަހާފައިވާ ފަރާތްތަކުން އެއެއްޗެހި ނެގުމަށް އަންގާފައި މިވަނީ، މައްޗަންގޮޅީ އާސަހަރާގެ ހުޅަނގު ދެކުނު ބަޔާއި ދެކުނު ފަރާތު މެދު ބަޔަށް ވެލި އެޅުމުގެ މަސައްކަތް، މިއަހަރުގެ ސެޕްޓެމްބަރު މަހު 15 ވަނަ ދުވަހުގައި ފެށުމަށް ހަމަޖެހިފައިވާތީއެވެ.