ކެފޭ ރެސްޓޯރެންޓްތަކުގެ ވެރިން ޕެޓިޝަނެއް ތައްޔާރުކޮށް މަޖިލީހާއި އެޗްޕީއޭއަށް ހުށަހަޅާފައިވަނީ ކޮވިޑް19 އާއި ގުޅިގެން ވިޔަފާރިތަކަށް ދިމާވެފައިވާ ގެއްލުންތަކާއި ގުޅޭގޮތުންނެވެ.
އެކަން ހާމަކޮށް ކެފޭ ރެސްޓޯރެންޓްތަކުގެ ވެރިންގެ ފަރާތުން ނެރެފައިވާ ނޫސްބަޔާނުގައި ބުނެފައިވަނީ ކޮވީޑް19 އާއި ގުޅިގެން ދިވެހި ވިޔަފާރިތަކަށް ނުހަނު ބޮޑު ގެއްލުންތަކެއް ވަމުން އަންނަކަމަށެވެ. އަދި އެތައް ވިޔަފާރިތަކެއް ބަނގުރޫޓު ވެފައިވާކަމަށާއި، އެކަމާއި ގުޅިގެން ޕެޓިޝަނެއް ތައްޔާރުކޮށް މަޖިލީހާއި އެޗްޕީއޭއަށް ހުށަހަޅާފައިވާކަމަށެވެ.
ޖުމުލަ 108 ވިޔަފާރިއަކުން ސޮއިކޮށް ހުށަހަޅާފައިވާ ޕެޓިޝަނާއި ގުޅޭގޮތުން ނެރުނު ނޫސްބަޔާނުގައި ކެފޭ ރެސްޓޯރެންޓްތަކުގެ ވެރިންގެ ބުނެފައިވަނީ އެ ޕެޓިޝަންގައި ހިމެނޭ ކަންކަމަށް އަވަސް ހައްލެއް ލިބުމަކީ އުންމީދެއްކަމަށެވެ.
ކޮވިޑް19 އާއި ގުޅިގެން އަޅާފައިވާ ފިޔަވަޅުތަކާއި އެކު ވިޔަފާރިތަކަށް އެކިވަރުގެ ގެއްލުންވަމުން ދާކަމުގެ ޝަކުވާ އެކިފަރާތްތަކުން އަންނަނީ ކުރަމުންނެވެ. އަދި ވިޔަފާރިތަކަށް އެހީވުމަށް ސަރުކާރުގެ ފަރާތުންވެސް އެކި އެހީތައް ފޯރުކޮށްދެމުން އަންނަކަން ފާހަގަކޮށްލެވެ އެވެ.
