ނޭޕާލްގެ ޑިޒާސްޓާ ރިސްކް ރިޑެކްޝަން ޑީޕާޓްމެންޓްއިން ބުނާގޮތުން އެ ހާދިސާގައި ހަތަރު މީހަކަށް ވަނީ އެކި ވަރުގެ އަނިޔާތަށް ލިބިފައެވެ. އަދި މިހާތަނަށް މީހުން ދިރިއުޅޭ 31 ގެ ވަނީ ނެތިގޮސްފަ އެވެ.
މިމަހުގެ ތިން ވަނަ ދުވަހު އެ ގައުމަށް ހުއްޓާނުލާ ވެހުނު ބޯވާރެޔާއެކު ވަނީ ބިންގަނޑު ކަނޑައިގެން ދިޔުމާއި ޗަކަ ފޭބުމުގެ ހާދިސާތައް ހިނގާފައެވެ. ޑިޒާސްޓަ އޮތޯރިޓީން ބުނީ އެ ހާދިސާގައި 41 މީހެއް ގެއްލި 12 މީހަކު މަރުވެފައިވާ ކަމަށެވެ. އަދި އިތުރަށްވެސް މީހުން މަރުވެފައިވުން އެކަށީގެންވާކަމަށް އެ އޮތޯރަޓީން ބުނެއެވެ.
އެ ތޯރިޓީން ބުނީ ހާދިސާގައި ގެއްލިފައިވާ މީހުން ހޯދުމާއި ހާލުގައި ޖެހިފައިވާ މީހުންނަށް އެހީވުމުގެ މަސައްކަތް ކުރަމަުންދާކަމަށެވެ.
ނޭޕާލްގެ ފެންބޯޑުވުމުގެ ހާދިސާގައި މިހާތަނަށް މީހުން ދިރިއުޅޭ 31 ގެ ވަނީ ނެތިގޮސްފަ
ފާއިތުވި ދެތިން މަސް ދުވަހުގެ ތެރޭގައި ވެސް މޫސުމީ ވާރޭގެ ސަބަބުން ފެންބޮޑުވުމާއި ގުޅިގެން ނުރައްކާތެރި ހާދިސާތައް ހިނގާފައިވާއިރު މި އަހަރުގެ މިހާތަނަށް އެފަދަ ހާދިސާތަކުގައި ގިނަ އަދަދެއްގެ މީހުން މަރުވެ ގިނަ ބަޔަކު ވަނީ ގެއްލިފައެވެ. އަދި ނޭޕާލްގެ އެކި ސަރަހައްދުތަކުގައިވާ ގެތައް މިހާދިސާތަކުގައި ހަލާކުވެ ގިނަބަޔަކުވަނީ ހާލުގައި ޖެހިފައެވެ.
