ނެހާ އާއި އޭނާގެ ފިރިމީހާ ރޯހަން ފޮޓޯއަކަށް ހުއްޓިލައިގެން ހުރިއިރު ނެހާގެ ބޭބީ ބަންޕް ފެންނަ ގޮތަށް ނަގާފައިވާ ލޯބި ފޮޓޯއެއް ސޯޝަލް މީޑިއާއަށް ނެހާ ހިއްސާކުރުމާއިއެކު އެ ފޮޓޯ ވަރަށް ބޮޑަށް ވެސް ވައިރަލް ވެގެން ދިޔައެވެ. އަދި އެއްބަޔަކު ނެހާ އެހާ އަވަހަށް ބަނޑު ބޮޑު ވެގެން ފާޑުކީއިރު އަނެއް ބަޔަކު ދިޔައީ އެދެމަފިރިންނަށް މަރުހަބާ ކިޔަމުންނެވެ.
އާއްމުންގެ އެކި ވާހަކަތަކާއިއެކު ނެހާ މިއަދު ވަނީ ފޮޓޯގެ ހަގީގަތް ހާމަކޮށް އަނެއްކާވެސް އެ ފޮޓޯ ހިއްސާކޮށްފައެވެ. ނަމަވެސް މިފަހަރު ހިއްސާކުރީ މިމަހުގެ 22 ވަނަ ދުވަހު އޭނަ އަލަށް ރިލީޒްކުރާ "ހަޔާލް ރައްކާކަރް" މި ލައިވައިގެ ޓީޒާއެކެވެ. ފިރިމީހާ ރޯހަން ޕްރީތް އާއިއެކު އޭނަ ކުޅޭ އެލަވަ އަކީ ދެމީހުންގެ ކައިވެންޏަށް ފަހު ކުޅޭ ފުރަތަމަ ލަވައެވެ.
މިއަދު ހިއްސާކުރި ޓީޒާއާއެކު ނެހާ ބަނޑުބޮޑު ނޫންކަން އެނގުމުން ގިނަ ބަޔަކު ދަނީ މިއީ ނެހާ ކޮށްލި ސަމާސާއެއްތޯ ވެސް ސުވާލު އުފައްދާފައެވެ. ކޮންމެއަކަސް ނެހާ ބަނޑު ބޮޑީކީ ނޫނެވެ. އެއީ އޭނަ ދެން ރިލީޒްކުރާ ލައިވަިއގެ ޓީޒާއެކެވެ.
ކައިވެނީގެ ފަހުން ނެހާ އާއި އޭނާގެ ފިރިމީހާއަށް ގިނަ ބައެއްްގެ ސަމާލުކަން ވެސް އަންނަނީ ލިބެމުންނެވެ.
ނެހާ ކިޔާފައި ހުރި ބައެއް ލަވަތަކުގެ ތެރޭގައި "ޗީޒް ބަޅީ" އާއި "މިލޭ ހޮ ތުމް ހަމްކޯ" އާއި "ދިލްބަރް" އާއި "ކޮކާ ކޯލާ" އާއި "ކާލާ ޗަޝްމާ" އާއި "ޗަމްމާ ޗަމްމާ" އާއި "މާހީ ވޭ" އަދި "އާންކް މާރޭ" ހިމެނެ އެވެ.
