ޑރ. ޝަހީމް މިހެން ވިދާޅުވީ، ރާއްޖޭގެ އެކި ރައްރަށުގައި ބިނާކޮށްފައިވާ އިސްލާމީ މަރުކަޒުތައް ހުޅުވުން ލަސްވާތީ އެކަމުގެ ކަންބޮޑުވުން ހިއްސާކުރައްވަމުންނެވެ.
އެގޮތުން ރ. އުނގޫފާރު ގައި ބިނާކޮށްފައިވާ އިސްލާމީ މަރުކަޒުގެ މަސައްކަތް ނިމުނުތާ އަހަރެއްވީ އިރުވެސް އެތަން ނުހުޅުވާކަމުގެ ޝަކުވާ ހިއްސާ ކުރައްވަމުން ޑރ. ޝަހީމް ވިދާޅުވީ، ތިނަދޫގައި ބިނާކޮށްފައިވާ އިސްލާމީ މަރުކަޒުވެސް އެފަދަ ކަމަށެވެ.
ޑރ. ޝަހީމް ވިދާޅުވީ، ރާއްޖޭގައި ބިނާކޮށްފައިވާ އިސްލާމީ މަރުކަޒުތަައް އިސްލާމިކް ޔުނިވާސިޓީގެ ޕްރޮގުރާމުތަށް ހިންގުމަށް ޔުނިވާސިޓީ އާއި ހަވާލުކުރަން ޖެހޭކަމަށެވެ. އަދި ތިނަދޫ އިސްލާމީ މަރުކަޒަކީ ރައީސް ޔާމީން، އިސްލާމިކް ޔުނިވާސިޓީ އާއި ހަވާލުކޮށްފައިވާ ތަނެއް ކަމަށާއި، އެކަމުގެ ލިއުންވެސް އޮންނާނީ އިސްލާމިކް ޔުނިވާސިޓީގައި ކަމަށް ޑރ. ޝަހީމް ވިދާޅުވިއެވެ.
މިކަން ފާހަގަ ކުރައްވަމުން ޑރ. ޝަހީމް ވިދާޅުވީ، އުނގޫފާރު އިސްލާމީ މަރުކަޒުވެސް އިސްލާމިކް ޔުނިވާސިޓީ އާއި ހަވާލުކުރަން ޖެހޭކަމަށެވެ.
އުނގޫފާރު އިސްލާމީ މަރުކަޒުގެ މަސައްކަތް ނިންމިތިހާ އަހަރެއް ވެފައިވާއިރު އެތަން ބޭނުން ނުކޮށް ބެހެއްޓުމުގެ ސަބަބުން އެތަން ވީރާނާ ވަމުން އަންނަ ކަމުގެ ޝަކުވާ ވަނީ ބޮޑުވެފައެވެ.
