ކައިވެނީގެ ގުޅުން ވީރާނަވަމުންދާކަމުގެ އެންމެ ބޮޑު ހެއްކަކީ ދެމީހުން ނިދާއިރުގައި ވަކިން ދެ އެނދުގައި ނުދުމެވެ. ނަމަވެސް ބައެއްފަހަރު ދެމީހުން އެއް އެނދުގައި ބައްދައިގެން ނިދާކަމުގައި ވީނަމަވެސް ބައެއްފަހަރު ކައިވެނި ރޫޅިގެން ގޮސްފާނެއެވެ.

ޔޫކޭގައި ހެދި ސާވޭއަކުން ދައްކާ ގޮތުގައި އަބި މީހާ ނިދާގަޑީގައި ފިރިމީހާގެ ގައިގައި ބައްދައިގެން ނިދާނަމަ އެ ދެމީހުންގެ ކައިވެނީގެ ގުޅުން ވަރިއަކުން ނިމުމުގެ 90 އިއްސަތަ އޮވެއެވެ.

ޔޫކޭގެ މި ހޯދުމުގެ އަލީގައި ދަ ޑޯޒީ އޯވަލްއިން 4987 ވަރިވެފައިވާ އަންހެނުންނާ 4786 ވަރިވެފައިވާ ފިރިހެނުން ޝާމިލް ކޮއްގެން ހެދި ދިރާސާއަކުން ދައްކާގޮތުގައި 86 އިންސައްތަ މީހުން ވަރިވިއިރު ދެމަފިރިން ނިދާއިރުގައި އަންހެން މީހާ ގިނައިން ނިދަނީ ފިރިހެން މީހާގެ ގައިގައި ބައްދައިގެންނެވެ.

ދެމަފިރިން ނިދަނީ

މިގޮތަށް ނިދުމުން ވަރިއައް މަގުފަހިވަނީ ކީއްވެހެއްޔެވެ؟. މަޝްހޫރު ލިޔުންތެރިޔާ ޝާރޮން ގިލްޗާރްސް ބުނި ގޮތުގައި އެގޮތަށް އަންހެނުން ނިދަނީ އެއީ ކައިވެނީގައި މައްސަލަތަށް ގިނައިން ޖެހި ހިތްދަތިކަން އިހްސާސް ކުރެވޭތީއެވެ. އަދި އެ ކައިވެނި ދެމެހެއްޓުމަށް މަސައްކަތް ކުރަން އެމީހުން ބޭނުންވާތީ ކަމަށް ވެސް އޭނާ ބުނިއެވެ.

ދެމަފިރިން ނިދާ ގަޑީގައި ބައެއްފަހަރު ލޯއްބާއި އަޅާލުން ބޭނުންވާވަރަށް ނުލިބޭ ނަމަ ވެސް އަންހެނުން އެހެން ނިދައެވެ. އެގޮތަށް އަބިމީހާ ނިދާކަން ފާހަގަ ވާނަމަ އަވަހަށް ކަންކަން ހައްލުކުރުމަށް މަސައްކަތް ފަށާށެވެ. އެހެން ނޫނީ ގިނަ ދުވަސްތަކެއް ނުވެ ކައިވެނީގެ ފޮނި ގުޅުމުގައި ވަރީގެ ހިތި ރަހަލައިފައިވާނެއެވެ.

.