ސަގާފީ ތަރިކަ ރައްކާތެރިކުރާ ގައުމީ މަރުކަޒުން މައުލޫމާތު ދޭގޮތުގައި މާޅޮސްމަޑުލު އުތުރުބުރީ ރަސްގެތީމުގައި މަގު ކޮނުމުގެ މަސައްކަތް ކުރަމުން ދަނިކޮށް އިއްޔެ ވަނީ އަސާރީ ތަކެތި ކަމަށް ބެލެވޭ ބައެއް ތަކެތި ފެނިފައިވާ ކަމުގެ މައުލޫމާތު އެ މަރުކަޒަށް ލިބިފައެވެ.
އަދި ގާނޫނު ނަންބަރު 12/2019 (ދިވެހިރާއްޖޭގެ ސަގާފީ ތަރިކައިގެ ގާނޫނު) އާއި އެ ގާނޫނުގެ ދަށުން ހަދާ އާންމުކޮށްފައިވާ ދިވެހިރާއްޖޭގެ ސަގާފީ ތަރިކަ ރައްކާތެރިކުރުމުގެ ގަވާއިދުގެ ދަށުން ބަލަންޖެހޭ ކަންކަން ބަލައި، އަޅަންޖެހޭ ފިޔަވަޅުތައް އަޅައި، އެ ތަކެތި ރައްކާތެރި ކުރުމުގެ މަސައްކަތް އެ މަރުކަޒުން ދަނީ ރ. ރަސްގެތީމު ކައުންސިލާއި ގުޅިގެން ކުރަމުން ކަމަށް ވެސް ސަގާފީ ތަރިކަ ރައްކާތެރިކުރާ ގައުމީ މަރުކަޒުން ވަނީ ބުނެފަ އެވެ.
ރާއްޖެއަކީ މުއްސަނދި ތާރީހެއް އޮންނަ ގައުމަކަށް ވާއިރު، ދޭތެރެ ދޭތެރެއިން އާސާރީ ތަކެތި ދަނީ އެކި ރަށްރަށުން ފެންނަމުންނެވެ.