ކަރީނާ އަދި ސައިފްގެ ދެވަނަ ދަރިފުޅުގެ އިންތިޒާރު އެތައް ފޭނުންތަކެއް ދަނީ ކުރަމުންނެވެ. އިންޑިއާގެ ބައެއް ނޫސްތަކުން ރިޕޯޓްކޮށްފައި ވާގޮތުގައި ކަރީނާ ވަނީ ބަނޑުގައި ރިއްސާތީ މިހާރު ހޮސްޕިޓަލަށް ގެންގޮސްފައެވެ. އަދި އޭނާ ވަރަށް އަވަހަށް ވިހާނެ ކަމުގެ އަޑުތައްވެސް ދަނީ ގަދަ ވަމުންނެވެ.
ކަރިނާ ވިހަން ނުހަނު ކައިރި ވެފައިވާ އިރު އޭނާ އަށް ދަނީ ގިނަ ހަދިޔާތަކެއް އެކި ފަރާތްތަކުން ފޮނުވަމުންނެވެ. އެ ހަދިޔާތައް އޭނާ ވަނީ އިންސްޓާގްރާމް ސްޓޯރީގައި ހިއްސާކޮށްފަ އެވެ.
ކަރީނާއަށް ލިބުނު ހަދިޔާ
އެގޮތުން އެ ހަދިޔާ ތަކަށް ބަލާއިރުގައި އެ އެއްޗިހި ހުރީ ނޫކުލައި ގައެވެ. އަދި ކާރު ޖަހާފައިވާ ހެދުމެއް ވެސް އޮތެވެ. އެހެން ކަމުން މި ފަހަރުވެސް ކަރީނާއަށް ލިބެން އުޅެނީ ފިރިހެން ކުއްޖެއްތޯ އެއީ މިހާރު ގިނަ ބަޔަކު ކުރަމުންއަންނަ ސުވާލެކެވެ.
ކޮންމެ އަކަސް ސައިފް ވަނީ ކަރީނާ ވިހަން އޮތީ މިމަހުގެ ތާރީހެއްގައިކަން އިއުލާނުކޮށްފަ އެވެ. އަދި ދެވަނަ ދަރިފުޅު އުފަންވުމުގެ ކުރިން އެ ދެމަފިރިން ވަނީ އާ ގެއަކަށް ވެސް ބަދަލު ވެފައެވެ.
