ރައީސް ސޯލިހު މި ފަދައިން ވިދާޅުވީ ރައީސް އޮފީހުން ބޭއްވި ނޫސްވެރިންގެ ބައްދަލުވުމުގައި ސީއެންއެމް އިން ކުރި ސުވާލަކަށް ޖަވާބު ދެއްވަމުންނެވެ.
އެގޮތުން ޓްރާސްޕޯޓު އޮތޯރިޓީ އުވާލާ، އެއޮތޯރިޓީގެ ބާރުތައް ޓްރާންސްޕޯޓު މިނިސްޓްރީއަށް ނެގުމުގެ މަސައްކަތް ކުރައްވާ ކަމަށް ރައީސް ވިދާޅުވިއެވެ. އަދި މިނިސްޓަރު އައިޝާ ކޮރަޕްޝަނާއި ދެކޮޅަށް މަސައްކަތް ކުރައްވާ ކަމަށާއި، މިނިސްޓަރަކީ ބުރަކޮށް މަސައްކަތް ކުރައްވާ ބޭފުޅެއް ކަމަށް ރައީސް ވިދާޅުވިއެވެ.
މިއަދުގެ ނޫސްވެރިންގެ ބައްދަލުވުމުގައި ވާހަކަ ދައްކަވަމުން ރައީސް ވަނީ ޓްރާންސްޕޯޓު އޮތޯރިޓީއާއި ޓްރާންސްޕޯޓު މިނިސްޓްރީގެ މެންޑޭޓުގައި އޮތް ފުށުން އެރުންތަކެއް ހުރިކަން ފާހަގަ ކުރައްވާފައެވެ. އަދި ޓްރާންސްޕޯޓު އޮތޯރިޓީ އުވާލަން ނިންމިނިންމުމަކީ މިކަމާ ގުޅިގެން ނިންމި ނިންމުމެއް ކަމަށް މިނިސްޓަރު ވިދާޅުވިއެވެ.
މީގެ އިތުރުން ރައީސް ވަނީ ޓްރާންސްޕޯޓު މިނިސްޓްރީގައި ހުރި ކޮރަޕްޝަންތަކާއި ގުޅިގެން ހުރި އެކި މައްސަލަތަކާއި ގުޅިގެން ދެކެވޭ ވާހަކަތަކަށްވެސް ރައްދު ދެއްވާފައެވެ.
އެގޮތުން މިކަމާ ގުޅިގެން ބެލިބެލުމުން ގަވައިދާ ހިލާފަށް ކޮށްފައިވާ ބައެއް ކަންކަން ފާހަގަ ވެފައިވާ ކަމަށް ރައީސް ވިދާޅުވިއެވެ. އެގޮތުން ރަޖިސްޓްރީ ކުރުމުގައި ފޯޖު ޑޮކިއުމަންޓު ހުށަހަޅައިގެން ވެހިކަލް ރަޖިސްޓްރީ ކުރުމުގެ 18 މައްސަލައެއް ފެނިފައިވާ ކަމަށް ރައީސް ވިދާޅުވިއެވެ،.
ރައީސް ވިދާޅުވީ، ޓްރާސްޕޯޓު އޮތޯރިޓީ އުވާލުމަށްފަހު ޓްރާންސްޕޯޓު މިނިސްޓްރީގެ މެންޓޭޑަށް ގެންނަ ބަދަލާ އެކީ އެތަނުގެ ހިންގުމަށްބޮޑު ބަދަލެއް އަންނާނެ ކަމަށް ގަބޫލު ކުރާ ކަމަށެވެ.
