އެމީހުން ދޯންޏެއްގައި ގޮސްފައިވަނީ "ނައިޓް ފިޝިން" އަށް ކަމަށް ކުޑަ ހެންވޭރުގެ ޓުވިޓާ އެކައުންޓުގައި ބައެއް މީހުން ބުނެފައި އެބަހުއްޓެވެ.
ބައެއް މީހުން ބުނެފައިވަނީ އެމީހުން ޖޫރިމަނާ ކުރީ ނަމާދުކުރާ މަންޒަރު ފެނުމުން އެކަން "ހަޖަމް" ނުވެގެންނެވެ.
އަންބާރަށް ދިޔަ މީހުން މަސްތުވާތަކެތި ބޭނުންކުރި ކަމަށް ވެސް ހަބަރުތައް ފެތުރުނެވެ. ނަމަވެސް ފުލުހުން ބުނެފައިވަނީ، މާލެއިން ވ، އަންބަރާއަށް ދިޔަ 95 މީހަކު ޖޫރިމަނާކޮށްފައިވާއިރު އެމީހުން މަސްތުވާތަކެތި ބޭނުންކުރި ކަމަށް ތުހުމަތު ނުކުރެވޭ ކަމަށެވެ.
ތުހުމަތު ނުކުރެވޭތީ މަސްތުވާތަކެއްޗަށް ޓެސްޓް ވެސް ނުކުރާ ކަމަށް ފުލުހުން ބުނެއެވެ. އަދި އޭގެ ތެރެއިން އެކަކު ވެސް ހައްޔަރުކޮށްފައި ނުވާ ކަމަށް ފުލުހުން ބުނެ އެވެ.
ކުޑަހެންވޭރުގެ ޓީމެއް ބައިބަލާ މުބާރާތުގަައިވެސް ބައިވެރިވެއެެވެ. އަދި ފުުޓު ބޯޅަ ޓީމުތައް ވެސް ކުޑަހެންވޭރުގައި އޮންނައިރު ބައެއް ފުޓު ބޯޅަ މުބާރާތްތައް ވެސް ކުޑަހެންވޭރުން ރާވައެވެ.
