ރޮޒައިނާ އަށް މޮސްޓާ ރައްދުދެއްވީ، އުތުރުތިލަފަޅު އެއްބަސްވުން މަޖިލީހަށް ގެނައުމަށް ދެކޮޅުހައްދަވައި މަޖިލީޖަކީ ސިއްރު ހިފެހެއްޓޭ ތަނެއް ނޫންކަމަށް ވިދާޅުވެ ރޮޒެއިނާ ވާހަކަ ދެއްކެވުމުންނެވެ.
ރޮޒެއިނާގެ ވާހަކަފުޅުތަކަށް ރައްދު ދެއްވަމުން މޮސްޓާ ވާނީ، ހިފަހައްޓަންވީ ކޮން ސިއްރެއްތޯ އާއި، ކަމެއް ސިއްރުކުރަން ބޭނުންވަނީ އެގްރީމެންޓުގައި ގޯސްކޮށް ކަމެއް ހުރީމާ ނޫންތޯ ސުވާލު އުފައްދަވާފައެވެ. އަދި ސިއްރު ހިފެހެއްޓިޔަސް ސިއްރު ނުހިފެއްޓިޔަސް ރައްޔިތުންގެ މަޖިލީހުގެ 241 ކޮމިޓީއަށް ސިއްރު ކުރެވޭނެ އެގްރީމެންޓެއް އޮވެގެން ނުވާނެ ކަމަށްވެސް މޮސްޓާ ވިދާޅުވިއެވެ.
އަދި މީގެއިތުރުން މޮސްޓާ ވަނީ، މިއީ ރޮޒެއިނާ މަޖިލީހުގައި އިންނަވާ 3 ވަނަ ދައުރުކަމުން އެކަން ވަރަށް ރަނގަޅަށް އެނގިލައްވާނެ ކަމަށްވެސް ވިދާޅުފައެވެ.
އުތުރުތިލަފަޅު އެގްރީމެންޓު މަޖިލީހަށް ގެނައުމަށް މަޖިލީހުގެ ރައީސް މުހައްމަދު ނަޝިދުވެސް ވަނީ ދެކޮޅު ހައްދަވާފައެވެ. އެގޮތުން އެއީ މަޖިލީހަށް ގެންނަންޖެހޭ އެގްރީމެންޓެއް ކަމަށް ގަބޫލު ނުކުރައްވާކަމަށް ނަޝީދު ވަނީ ވިދާޅުވެފައެވެ.
