މިއަދު ރައީސް އޮފީހުން ބޭއްވި ޕްރެސް ކޮންފަރެންސްގައި މަބްރޫކް ވިދާޅުވީ، ކާބޯތަކެތީގެ އަގު ކޮންޓްރޯލް ކުރުމަށް އިކޮނޮމިކް މިިިނިސްޓްރީން ވެސް މަސައްކަތްތަކެއް ކުރަމުން އަންނަކަމަށެވެ.
ރާއްޖޭގެ އެކި ސަރަހައްދު ތަކުގައި ހުންނަ ބިޒްނަސް ސެންޓަރުތައް ބޭނުން ކޮށްގެން ހަނޑޫ، ހަކުރު އަދި ފުށުގެ އަގު ބޭނުންވާ ރޭންޖުގައި ހިފެހެއްޓިފައި ވޭތޯ ބަލާނެ ކަމަށް މަބްރޫކް ވިދާޅުވިއެވެ.
އެގޮތުން އެއް ލައްކަ އަށް ވުރެ ގިނަ ބަސްތާ ހަނޑުލާ، 50 ހާހަށް ވުރެ ގިނަ ބަސްތާ ފުށާ، 27 ހާހަށްވުރެ ގިނަ ބަސްތާ ހަކުރު މިހާރުވެސް އެބަހުރި ކަމަށް މަބްރޫކު ވިދާޅުވިއެވެ.
މީގެ އިތުރުން ބެރުން ގެންނަ ޝިޕްމެންޓް ތައް ގެނައުމުގައި ދިމާވާ ދަތިތައް ހައްލު ކުރުމަށް ވަގުތުން ވަގުތަށް ކުރެވެން ހުރި ހުރިހާ ކަމެއް މިހާރު އިކޮނޮމިކް މިނިސްޓްރީއިން ކޮށްފައިވާ ކަމަށް ވެސް މަބްރޫކް ވިދާޅުވިއެވެ.
