ރޭ އެމްޑީޕީގެ ބޭއްވި އެ ޕާޓީގެ ގައުމީ ހިންގާ ކޮމިޓީގެ ބައްދަލުވުމުގައި މިގޮތަށް ނިންމާފައިވަނީ، އެ ޕާޓީގެ ދާއިރާތަކުގެ ހިންގާކޮމިޓީތަކާއި ޕްރޮވިންސްތަކުގެ އިންތިހާބު އަންނަ މެއި މަހު 29ގައި ބޭއްވުމަށް ތާވަލު ކޮށްފައިވާ ދަނޑިވަޅެއްގައެވެ.
އެގޮތުން މި އިންތިހާބުގައި ބައިވެރިވާ ކެންޑިޑޭޓުންގެ ޝަރުތުތައް މި ބައްދަލުވުމުގައި ކަނޑައަޅާފައިވެއެވެ.
މި މަސައްކަތުގެ ދަށުން އެ ޕާޓީގެ މި ބައްދަލުވުމުގައި، ޕާޓީގެ ގައުމީ ހިންގާ ކޮމިޓީން ވަނީ، ރޭޕް، މީހުން މެރުން، ކުޑަކުދިންނަށް ޖިންސީ ގޯނާ ކުރުން ފަދަ ކުށެއްގައި ބައިވެރިވި ކަމަށް ހާމަވާ އެއްވެސް މީހަކަށް އެމްޑީޕީގެ އިންތިހާބުތަކުގައި ބައިވެރި ނުވެވޭނެ ކަމަށް ނިންމާފައެވެ.
އެމްޑީޕީން ރޭ ކުރިއަށް ގެންދިޔަ އެ ޕާޓީގެ ގައުމީ ހިންގާ ކޮމިޓީގެ ބައްދަލުވުމުގައި ރައީސުލްޖުމްހޫރިއްޔާ އިބްރާހީމްމުހައްމަދު ސޯލިހުގެ އިތުރުން، ރައްޔިތުން މަޖިލީހުގެ ރައީސް މުހައްމަދު ނަޝީދުވެސް ބައިވެރިވެ ވަޑައިގެންނެވި އެވެ.
