Advertisement

ބޮލީވުޑުގެ މަޝްހޫރު ބަތަލާ ޕަރިނީތީ ޗޯޕްރާ އަންނަނީ އޭނާއާ ތިމާގެ، ޕްރިޔަންކާ ޗޯޕްރާ އާއި އޭނާގެ ފިރިމީހާ ނިކް ޖޯނަސްއާ ވެސް ގާތް ގުޅުމެއް ބާއްވަމުންނެވެ. އެގޮތުން ސޯޝަލް މީޑިއާގައި އެމީހުން ހިއްސާކުރާ ފޮޓޯތަކަށް ކުރާ ކޮމެންޓުތަކުން އެކަން ވަރަށް ރަނގަޅަށް އެނގެ އެވެ.

މިދިޔަ އަހަރު ޕްރިޔަންކާ އާއި ނިކް ކައިވެނި ކޮށްފައިވާއިރު އިންޑިއާގެ ހިންދޫން ފާހަގަކުރާ ކަރްވާ ޗޯތު އެމީހުން މިވަނީ ފާހަގަކޮށްފަ އެވެ. އެގޮތުން ކައިވެނީގެ ފަހުން، ދެމީހުން އެކުގައި ފުރަތަމަ ފަހަރަށް ކަރްވާ ޗޯތު ފާހަގަ ކުރުމަށް ފަހު ފޮޓޯތައް ސޯޝަލް މީޑިއާއަށް އާންމުކޮށްލުމާއެކު ޕަރްނިތީ ވެސް މިވަނީ އެ ފޮޓޯތަކަށް ކޮމެންޓު ކޮށްފައެވެ. އަދި އެ ކޮމެންޓުތަކާއެކު އޭނާ ވަނީ ވަރަށް އަވަހަށް އޭނާ ކައިވެނި ކޮށްފާނެ ކަމުގެ އިޝާރާތެއް ވެސް ކޮށްލާފަ އެވެ.

އެގޮތުން ޕަރިނިތީ ވަނީ ދެން އޮތީ އޭނާގެ ބުރުތޯ ސުވާލުކޮށްފަ އެވެ. ކަރްވާ ޗޯތަކީ ކައިވެނި ކޮށްގެން އުޅޭ އަންހެނުން އެމީހުންގެ، ފިރިންގެ ދިގު އުމުރަކަށް އެދި ރޯދައަށް ތިބެގެން ފާހަގަކުރާ ދުވަހެކެވެ.

View this post on Instagram

My everything ❤️ #karwachauth

A post shared by Priyanka Chopra Jonas (@priyankachopra) on Oct 18, 2019 at 2:02am PDT

އުމުރުން 30 އަހަރުގެ ޕަރިނިތީ އުޅެނީ ޗަރިތު ދެސާއީ ނަމަކަށް ކިޔާ މީހަކާ ރައްޓެހިވެގެންނެވެ. އެގޮތުން ޕްރިޔަންކާ އާއި ނިކްގެ ކައިވެނީގެ ހަފުލާގައި ވެސް އޭނާ ބައިވެރިވިއިރު ޕްރިޔަންކާ އިންސްޓަގްރާމަށް ހިއްސާކުރި އާއިލީ ފޮޓޯތަކުން ވެސް އޭނާ ފެނުނެވެ.

އެންމެ ފަހުން ޖަބަރިޔާ ޖޯޅީއިން ފެނިގެންދިޔަ ޕަރިނިތީގެ ކުރިއަށް އޮތް ފިލްމަކީ މަޝްހޫރު ބެޑްމިންޓަން ކުޅުންތެރިޔާ ސައިނާ ނެހްވާލުގެ ހަޔާތަށް ނެރޭ ފިލްމެވެ.