ރައީސް ނަޝީދަށް އަމާޒުކޮށް ދީފައިވާ ޓެރެރިޒަމް ހަމަލާއާ ގުޅިގެން އެމަނިކުފާނުގެ ސެކިއުރިޓީ ފޫއަޅުވާލި ގޮތުގެ މައްސަލަައާމެދު ބޮޑު ބަހުސަކަށް ގޮސްފައިވާ މި ދަނޑިވަޅުގައި ޝައިހް ޒައިދު އެހެން ވިދާޅުވި އިރު ގިނަ ބަޔަކު ދަނީ އެ މައްސަލާގައި ހިޔާލުފާޅު ކުރަމުންނެވެ.
މަޖިލީހަށް ވަކިވަކި ސިފައިން ހާޒިރުކޮށްގެން މައްސަލަ ބެލެން ޖެހޭނެކަމަށް ނަޝީދު ވިދާޅުވިނަމަވެސް، ޑިފެންސް މިނިސްޓްރީގެ ޑެޕިއުޓީ މިނިސްޓަރު ހަސަން ޒަމިލު ސޮއިކުރައްވާ ވަކިވަކި ސިފައިން ހާޒިރުނުކުރާގޮތަށް ވަނީ ހުށަހަޅާފައެވެ. އަދި މި މައްސަލާގައި ޒަމީލުގެ މައްސަލަ ނުބަލަން އިމްތިޔާޒު ކޮމިޓީން ނިންމީ އެމްޑީޕީގެ ހަތަރު މެންބަރުންވެސް ވޯޓު ދެއްވައިގެންނެވެ. އެ ބޭފުޅުންގެ ނަންތައް ހާމަވުމާއެކު އެ ބޭފުޅުން މިހާރު ގެންދަވަނީ އެކަމުގެ ކަންބޮޑުވުން ހާމަކުރައްވައި ކޮމިޓީގެ ކަންކަން ހާމަވި ގޮތް އޮޅުންފިލުއްވަން މަސައްކަތްކުރައްވަމުންނެވެ.
ޓްވިޓާ މެދުވެރިކޮށް ރޭ ޒައިދު ވިދާޅުވިއިރު، ރައްޔިތުންގެ މަޖިލީހުގެ އިމްތިޔާޒަށް އަރައިގަތުމުގެ ތުހުމަތުގައި ދައުވާކޮށްދޭން ޕްރޮސިކިއުޓަ ޖެނެރަލްގެ އޮފީހުގައި އެދިފައިވާ ޑިފެންސް މިނިސްޓްރުގެ ނައިބު، މައްސަލަ މަޖިލީހުގެ އިމްތިޔާޒާއި ސުލޫކީ ކޮމިޓީން ބޭރުކޮށްލުމާ ގުޅިގެން، އެމްޑީޕީގެ ސުޕަ މެޖޯރިޓީ އޮވެމެ، އެ މައްސަލަ ބޭރުކޮށްލެއްވުމުގައި ރައީސް ސޯލިހުގެ ޅިޔަނެއް ކަމަށްވާ އަލިފުށީ ދާއިރާގެ މެންބަރު މުހައްމަދު ރަޝީދު ހުސައިން (ބިގޭ) ގެ އަތެއް ވާކަމަށް ބުނެ އެމްޑީޕީގެ ގިނަ މެންބަރުން އަންނަނީ ބިގޭއަށް ވަރަށް ބޮޑަށް ފާޑު ކިޔަމުންނެވެ.
ޒައިދުގެ މި ޓްވީޓަށް ޑރ. މުހައްމަދު އިޔާޒުވެސް ވަނީ ރިޕްލައިކުރައްވާފައެވެ.
