ރޭ ސީއެންއެމްގެ "ތަފްސީލް" ޕްރޮގްރާމްގައި ވާހަކަ ދައްކަވަމުން ޝިދާތާ މިހެން ވިދާޅުވެފައި މިވަނީ 13 އަހަރުގެ ކުޑަ ކުއްޖެއް ރަހީނު ކުރުމަށް ފަހު ވަރަށް އިހާނެތިކޮށް މަރާލާފައިވާ ދަނޑިވަޅެއްގައެވެ. އޭނާ ވަދާޅުވީ މި މައްސަލަތަކުގައި ގްރެވިޓީ ހުރި މިންވަރު އެނގިގެން ގޮއްސިކަމަށްށެވެ.
ޝިދާތާގެ މިނިސްޓަރު ކަމުގަ މިފަދަ މައްސަލަތައް ފެންމަތިވެ އޭނާއަށް ކުރިމަތިވި ގިނަ ފާޑު ކިޔުންތަކާއި އެކު އޭނާ ޖެންޑާ މިނިސްޓަރު ކަމުން ދުރަށް ދިޔަ ކަމަށާއި އެކަމަކުވެސް ހަމަ އެފަދަ މައްސަލަތައް ފުލުފުލުގައި ތަކުރާރުވަމުން މިއަދާއި ހަމަޔަށް އަންނަމުން އައުމަކީ ވަކި މީހަކާ ދިމާލަށް އިނގިލިދިއްކޮށް ވަކި މިނިސްޓަރެއްގެ ސަބަބުން ދިމާވަމުން އަންނަ ކަމެއްކަމަށް ނޫންކަން ވަރަށް ބޮޑަށް ހާމަ ވެގެން ގޮއްސި ކަމަށް އޭނާ ވިދާޅުވިއެވެ.
އަދި މީގެ އިތުރުން މިފަދަ މައްސަލަ ތަކަކީ ވަރަށް ބޮޑަށް އިދާރާތައް ގުޅިގެން މަސާއްކަތް ކުރަންޖެހޭ މައްލަތަކެއްކަން އޭނާ ފާހަގަކުރެއެވެ.
މިފަދަ މައްސަލަތަށް ހައްލު ކުރޭނީ ކަންވުމުގެ ކުރިން އެކަންކަން ހައްލު ކުރުމަށް ގާނޫނުތައް ތަންފީޒް ކުރެވިގެން ކަމަށް ޝިދާތާ ފާހަގަ ކުރިއެވެ. އެގޮތުން ޝިދާތާ ވިދާޅުވީ ކަރުދާސް މަސައްކަތް ކޮށްގެން ހަައްލުވަންޏާ ހައްލުވާ ވަރަށް ކަރުދާސް މަސައްކަތް ކުރެވިއްޖެ ކަމަށެވެ.
13 އަހަރުގެ ކުއްޖާގެ މަރާއި ގުޅިގެން 17 އަހަރު ގެ ކުޑަކުއްޖެއްގެ އިތުރުން 27 އަހަރު ގެ ފިރިހެނެށް ވަނީ މިހާތަނަށް ހައްޔަރު ކޮށްފައިވެއެވެ.
