އެ ހާދިސާ އާއި ގުޅޭ މައުލޫމާތު ހިއްސާކުރައްވަމުން ފުލުހުންގެ މީޑިއާ އޮފިޝަލު ވިދާޅުވީ، ކާށިދޫގައި އަނިޔާވި ކުއްޖާގެ ގައިގާ ޖަހާ މާރާމާރީ ހިންގާފައިވަނީ އެ ކުއްޖާ މަގުމަތިން ހިނގާފަދަނިކޮށް ކަމަށެވެ.
އަދި އެކަމުގެ ރިޕޯޓު މިއަދު ހަވީރު، 14:51 ކަށް ހާއިރު ފުލުހުންނަށް ހުށަހެޅުމުން ބަލަމުން އަންނަ ކަމަށާއި އަނިޔާވި ފިރިހެން ކުއްޖާއަށް ރަށު ސިއްހީ މަރުކަޒުން މިހާރު ވަނީ ފަރުވާ ދީފަ ކަމަށެވެ. އަދި ކުއްޖާއަށް ސީރިއަސް އަނިޔާތަކެއް ނުވާކަމަށް ފުލުހުން ބުނެއެވެ.
ކުއްޖާއަށް ހަމަލާދީފައިވަނީ މަގުމަތިން ކަމަށް ފުލުހުން ބުނިއިރު މީގެ ކުރިން ކާށިދޫ ކައުންސިލުގެ ރައީސް އާމިރު ސީއެންއެމްއަށް ވިދާޅުވެފައިވަނީ، ކުއްޖަކަށް އަނިޔާވެގެން އުޅޭކަމަށާއި، އެހެންނަަމަވެސް އެއީ އެއުމުރުފުރާގެ ކުދިންތަކެއް ކުޅެން އުޅެނިކޮށް ހިނގި ހަމަނުޖެހުމެއްގައި ހިނގިކަމެއް ކަމަށެވެ.
