ބޯފެން ފޯރުކޮށްދިނުމަށް ބޭނުންވާފަރާތެއް ހޯދުމަށް ގއ. އަތޮޅު ކައުންސިލާއި ގދ.އަތޮޅުކައުންސިލުން ވެސް ވަނީ އިއުލާން ކޮށްފައެވެ.
މިކަމާ ބެހޭގޮތުން ސިއެންއެމް އަށް ގދ.އަތޮޅު ކައުންސިލްގެ ރައީސް ހަސަން ފައިހަތް ގުދުރަތުﷲ ވިދާޅުވީ ބޭނުމަކީ ހޫނުމޫސުމުގެ ސަބަބުން ފެން ލިބުން ދަތިވެ ފެނުގެބޭނުން ޖެހިއްޖެ ނަމަ ފެންފޯރުކޮށް ދިނުންކަމަށެވެ. މި ގޮތަށް އިއުލާން ކޮއްފައިވަނީ ނޭޝަނަލް ޑިޒާސްޓާ މެނޭޖްމެންޓު އޮތޯރިޓީގެ ލަފައާވެސް އެކުގައި ކަމަށް ފައިހަތު ވިދާޅުވިއެވެ.
ފެނުގެބޭނުން ޖެހިޖެނަމަ ފޯރުކޮއްދެނީ ސާފު ބޯފެންކަމަށާ މިހާތަނަށް ގދ.އަތޮޅުން ފެންބޭނުންވެގެން ގެންގޮސްދީފައިވަނީ ގދ.ނަޑެއްލާއަށް އެކަނިކަމަށް ފައިހަތު ވިދާޅުވިއެވެ. އަދި މިހާރު ފެނަކަ ކޯޕަރޭޝަންގެ ފަރާތުން ނަޑެއްލާއަށް ފެންފޯރުކޮށްދީފައިވާކަމަށްވެސް ފައިހަތު ފާހަގަކުރެއްވިއެވެ.
އިއުލާނަގައިވާގޮތުން ހޫނުމޫސުމުގައި ހުވަދުއަތޮޅުގެ ބޯފެނަށްޖެހޭ ރަށްތަކަށް ، ފެންފޯރޮށްދިނުމަށް ޝައުގުވެރިވާ ފަރާތްތަކުން އަތޮޅުކައުންސިލް އިދާރާގެ މީޓިންރޫމަށް ވަޑައިގެން މައުލޫމާތު ސާފްކުރުމަށްފަހު ކަޑައެޅިފައިވާ ތާރީހަށް އަންދާސީ ހިސާބު ހުށަހެޅުމަށް ކައުންސިލުން އެދެއެވެ.
ކޮންމެ އަހަރަކުވެސް ހޫނުމޫސުމުގައި ފެނުގެ ދަތިކަން ބައެއް ރަށްރަށުން ތަހައްމަލު ކުރެއެވެ.
