ޕީޕީއީ ހަދިޔާ ކުރުމުގެ ރަސްމީޔާތުގެ ތެރެއިން
އޮސްޓްރޭލިއާއިން ރާއްޖެއަށް 3.5 ޓަނު ޕީޕީއީ ހަދިޔާކޮށްފި
ސީއެންއެމް ނިއުސް ޓީމް
28 ޖުލައި 2021 - 10:45:16
ކޮވިޑް-19 އާ ދެކޮޅަށް ރާއްޖެއިން ކުރަމުންދާ މަސައްކަތްތަކަށް އެހީވެދިނުމުގެ ގޮތުން އޮސްޓްރޭލިއާ އިން އިތުރު 3.5 ޓަނުގެ ޕީޕީއީ އިއްޔެ ހަދިޔާކޮށްފިއެވެ.
Advertisement
ސްރީލަންކާގައި ހުންނަ އޮސްޓްރޭލިއާ އެމްބަސީގައި ރާއްޖެއާ ހަވާލުކުރި މި ސާމާނުތަކާއެކު ކޮވިޑްގެ ބަލިމަޑުކަމުގެ ތެރޭގައި އެ ގައުމުން ރާއްޖެއަށް ދިން އެހީގެ އަދަދު ވަނީ ނުވަ މިލިއަނަށް އަރައިފައެވެ. މި ފަހުން ހަދިޔާކުރި ތަކެތީގެ ތެރޭގައި ފޮރޮންޓްލައިންގައި މަސައްކަތްކުރާ ފަރާތްތަކުގެ ކެޕޭސިޓީ ބިލްޑް ކުރަން ހަދިޔާކުރި ތަކެތިވެސް ހިމެނެއެވެ.
ރާއްޖޭގެ ފަރާތުން އެހީއާ ހަވާލުވެވަޑައިގެންނެވީ ރާއްޖެއިން ލަންކާއަށް ކަނޑައަޅުއްވާފައިވާ ސަފީރު އުމަރުއަބްދުލް ރައްޒާގެވެ.
އޮސްޓްރޭލިއާގެ އެހީއަށް ޝުކުރު އަދާކުރައްވަމުން ފޮރިން މިނިސްޓަރު އަބްދުﷲ ޝާހިދު މިއަދު ކުރެއްވި ޓްވީޓެއްގައި ވިދާޅުވީ، އަލަށް ހަދިޔާކުރެވުނު ޕީޕީއީތަކާއެކު ކޮވިޑާ ދެކޮޅަށްކުރާ މަސައްކަތަށް އިތުރު ކުރިއެރުމެއް ލިބިގެންދާނެ ކަމަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
