ރައީސް ނަޝީދުގެ ވެރިކަމުގައި 07 ފެބްރުއަރީ 2012 ގައި ހިންގި ހަމަނުޖެހުމުގެ ތެރޭގައި ޓީވީއެމް ކައިރިއަށް ގޮސް ގޭޓަށް ބަޑި ޖެހި މައްސަލަ އިންތިގާލީ އިންސާފުގެ އޮމްބަޑްސްޕާސަން އޮފީހަށް ހުށައަޅާފައިވަނީ މިދިޔަ މަހު 13 ވަނަ ދުވަހުއެވެ.
މިމައްސަލަ ހުށައަޅާފައި ވަނީ އަމިއްލަ ފަރާތަކުންނެވެ.
އިންތިގާލީ އިންސާފުގެ އޮފީހުން އެމައްސަލަ ބެލޭނެކަމަށް ނިންމާ އަންގާފައިވާ ލިޔުމުގައި ވަނީ އޭރުގެ ރައީސް މުހައްމަދު ނަޝިދު މަގާމުން ބޭރު ކުރުމަށް ހިންގި ހަމަނުޖެހުމުގެ ތެރޭގައި ދައުލަތުގެ މީޑިއާ ހިންގަމުންދިޔަ އިމާރާތް ކަމުގައިވާ ޓެލެވިޒަން މޯލްޑިވްސް ( ޓީވީއެމް ) އިމާރާތަށް ޔުނީފޯމް އެޅިބަޔަކު ވަދެ ދައުލަތުގެ މީޑިއާގެ ލައިވް ފްރިކުއެންސީ ހުއްޓުވާލާ އެތަނުގެ މުވައްޒަފުންނަށް ބިރު ދެއްކި މައްސަލަ ގާނޫނު ނަންބަރު 2020/28 ގެ ދަށުން ބެލޭނެ ކަމަށެވެ.
އަދި މިމައްސަލައިގައި ކަމާއި ގުޅުން ހުރި ހުރިހާ ފަރާތްތަކުގެ މައުލޫމާތު ހޯދައި މި މައްސަލައިގައި އެއްވެސް ފަރާތެއްގެ ހައްގު ގެއްލިފައިވާނަަމަ ތަހުގީގު ކުރުމަށް ނިންމާފައިވާ ކަމަށެވެ.
