އިންތިގާލީ އިންސާފުގެ އޮފީސް ހުޅުވުމަށްފަހު މައްސަލަ ހުށައެޅުމަށް ފުރުސަތު ހުޅުވާލައިފައިވަނީ މި ދިޔަ ޖޫން މަހުގެ ތެރޭގަ އެވެ. އަދި ސެޕްޓެމްބަރ މަހުގެ 13 ވަނަ ދުވަހުގެ ނިޔަލަށް 487 މައްސަލަ ހުށަހަޅާފައި ވެއެވެ.
އެހެންނަމަވެސް ހުށައެޅި މައްސަލަތަކުގެ ތެރެއިން މިހާތަނަށް ބަލަން ނިންމާފައިވަނީ 449 ( ހަތަރު ސަތޭކަ ސާޅީސް ނުވައެއް ) މައްސަލައެވެ.
އެންމެ ގިނައިން ހުށައަޅާފައިވާ މައްސަލަތަކަކީ ބޯހިޔާވަހިކަމާއި ގުޅުން ހުރި މައްސަލަތަކެވެ. މަސައްކަތް ކުރުމުގެ ހައްގާއި ގުޅޭ 156 މައްސަލަ ވަނީ ހުށަހަޅާފަ އެވެ.
ހަމަހަމަކަމާއިއެކު ޝަރީއަތްކުރުމާއި ގުޅޭ ގޮތުން 26 މައްސަލަ ހުށައަލާފައިވާއިރު، 24 މައްސަލަ ހުށައަޅާފައިވަނީ ލާއިންސާނީ އަދަބު ދިނުމާއި ގުޅޭގޮތުންނެވެ.
އިންތިގާލީ އިންސާފުގެ އޮފީހަށް މިހާތަނަށް ހުށައަޅާފައިވާ މައްސަލަތަކުގެ ތެރެއިން ނުބެލުމަށް ނިންމާފައިވަނީ 26 މައްސަލަ އެވެ. މިހާރު ޝަރީއަތް ކުރިއަށްދާ ފަސް މައްސަލައެއްވެސް ނުބެލުމަށް ވަނީ ނިންމާފަ އެވެ.
