ޓްރާންސްޕޯޓު އޮތޯރިޓީ އުވާލުމުގެ ބިލު މަޖިލީހަށް ހުށަހެޅުއްވީ ސަރުކާރުގެ ފަރާތުން، ވައިކަރަދޫ ދާއިރާގެ މެމްބަރު ހަސަން ޒިޔާދު އެވެ. އެ ބިލު ހުށަހެޅީ ޓްރާންސްޕޯޓު އޮތޯރިޓީ އުވާލައި، އެ ތަނުގެ މަސައްކަތްތައް ޓްރާންސްޕޯޓު މިނިސްޓްރީގެ ދަށަށް ބަދަލުކުރަން ސަރުކާރުން ނިންމުމުމާއި ގުޅިގެންނެވެ.
މިއަދު މަޖިލީހުގެ ޖަލްސާގައި އެ ބިލު ފާސްކޮށްފައިވަނޯ ވޯޓުގައި ބައިވެރިވެލެއްވި 52 މެންބަރުންގެ ވޯޓާއެކުއެވެ. ބިލު ފާސް ކުރަން ނުފެންނަ ކަމަށް އެއްވެސް މެންބަރަކު ވޯޓު ދެއްވާފައި ނުވާކަން ފާހަގަކޮށްލެވެއެވެ.
މި ބިލު ފާސްވުމާއެކު އެ އޮތޯރަޓީ އުވި މިނިސްޓްރީގެ ބެލުމުގެ ދަށަށް އޮތޯރަޓީގެ ހުރިހާ ޒިންމާތަކެއް ބަދަލުވާނެއެވެ.
އެ އޮތޯރިޓީ އުވާލަން ނިންމާ މަޖިލީހަށް ހުށަހަޅަން ނިންމާފައިވާކަން ރައީސް ހާމަކުރެއްވީ މިދިޔަ ލޯކަލް ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތް ކުރާ ކޮމެޓީގެ އިންތިހާބަށް ސަރުކާރު ނިސްބަތްވާ އެމްޑީޕީން ކެމްޕެއިން ކުރުމަށްޓަކައި ރަށްވެހި ފަތިސް ކެންޑިޑޭޓުންނާއި ކެމްޕެއިން ޓީމްތަކާ އެކު ބޭއްވި ބައްދަލުވުމެއްގައެވެ.
