މަޑުއްވަރީގައި ތަރައްގީ ކުރަމުން އަންނަ ދެކުނު ބަނދަރު. ފޮޓޯ: އެމްޓީސީސީ
މަޑުއްވަރީ ދެކުނު ބަނދަރު މަސައްކަތުގެ ބޮޑުބައި ނިމިއްޖެ
ރިފާއު ރަޝީދު
13 ޑިސެމްބަރ 2021 - 10:18:50
ސަރުކާރުގެ ފަރާތުން ރ. މަޑުއްވަރީގައި ތަރައްގީ ކުރަމުން އަންނަ ދެކުނު ބަނދަރު މަޝްރޫއުގެ 90 އިންސައްތަ މަސައްކަތް ނިމިފައިވާ ކަމަށް އެމްޓީސީސީން މިއަދު ބުނެފިއެވެ.
Advertisement
އެމްޓީސީސީން ބުނީ މި މަޝްރޫއުގެ ދަށުން 7,280 ކިއުބިކް މީޓަރުގެ ސަރަޙައްދެއްގެ ނެރު ފުންކުރުމާއި، 80،400 ކިއުބިކް މީޓަރުގެ ސަރަޙައްދެއްގެ ބަނދަރު ފުންކުރުމާއި، 65,520 ކިއުބިކް މީޓަރުގެ ސަރަޙައްދެއްގެ ހާބަރ ބޭސިން ފުން ކުރުން ހިމެނޭ ކަމަށެވެ.
އަދި 411 މީޓަރުގެ ސަރަޙައްދެއްގައި ބޭރުތޮށި ލުމާއި، 582 މީޓަރުގެ ސަރަޙައްދެއްގައި އެއްގަމުތޮށި ލުމާއި، 135 މީޓަރުގެ ސަރަޙައްދެއްގައި ރިވެޓްމެންޓް ޖެހުމާއި 2،840 އަކަ މީޓަރުގެ ސަރަހައްދެއްގައި ޕޭވްމަންޓް ހެދުމާއި ނެރު ބައްތި އަދި މަގުމަތީ ބައްތި ހަރު ކުރުމުގެ މަސައްކަތް ވެސް ހިމެނޭ ކަމަށް އެމްޓީސީސީން ބުންޏެވެ.
މިއީ ދައުލަތުގެ ބަޖެޓުން 72.6 މިލިއަން ރުފިޔާ ހަރަދުކޮށްގެން ކުރިއަށްގެންދާ މަޝްރޫއެކެވެ. މި މަޝްރޫއު ނިމޭއިރު މަޑުއްވަރީ ބަނދަރަށް އިތުރު ފުރިހަމަ ކަމެއް އަންނާނެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
