ގިނަ ބައެއްގެ ޝައުގުވެރިކަން ހޯދާފައިވާ މި ސީރީޒް ދައްކާނީ ސީއެންއެމް ޓީވީން ކޮންމެ ހޮނިހިރު ދުވަހެއްގެ ރޭ 10:00 ގަ އެވެ.
މިއީ 2018 ވަނަ އަހަރު "އައިޑިއުކްސް އިންކް" އިން އުފައްދަން ފެށި ސީރީޒް އެކެވެ.
މި ސީރީޒްގެ ކްރިއޭޓަރ އަދި ޕްރޮޑިއުސަރު ކުޑީ، މުހައްމަދު ނަޖްވަން ބުނީ އޭނާ އެންމެ ފުރަތަމަ މި ވެބް ސީރީޒް އުފެއްދުމަށް ޝައުގުވެރިވީ، 2018 ވަނަ އަހަރުގެ ކުރިން ބެލި ބައެއް ވެބްސީރީޒް ތައް ފެނިފައި އެފަދަ ވެބް ސީރީޒް އެއް ރާއްޖޭގައި ވެސް އުފެއްދުމުގެ ވިސްނުމާއެކުއެވެ.
ހާތްތެރި ޓީމް: ފޮޓޯ އައިޑިއުކްސް އިންކް
ކުޑީ ބުނީ އޭނާގެ ގާތް ރަހުމަތްތެރިންކަމަށްވާ ރިލޭ އާއި، އަންމަޑޭ އާއި އަންމު ފަދަ ބައެއް މީހުންނާއެކު ޕްރޮގްރާމްގެ ކޮންސެޕްޓުރާވައި ކުރަންޖެހޭ ކަންކަން ކުރި ނަމަވެސް އެކުއިޕްމަންޓު ނެތުމުން އެންމެ ފުރަތަމަ މަސައްކަތް ނުކުރެވުނު ކަމަށެވެ.
ކުޑީ ބުނީ އެންމެ ފުރަތަމަ ސީޒަންއަށް ވެސް ހީވެސް ނުކުރާ ވަރުގެ ބޮޑު ތަރުހީބެއް ލިބުނުކަމަށެވެ.
ފުރަތަމަ ސީޒަންގެ ގޭމްތަކުގައި ބައިވެރިވުމަށް 150 އަށްވުރެ ގިމަ މީހުން ޝައުގުވެރިކަން ފާޅުކުރިއެވެ.
"ހާތްތެރީގެ" ދެވަނަ ސީޒަން ފެށުނީ ވެސް އެހާ ބޮޑު ތަރުހީބަކާ އެކުއެވެ.
ހާތްތެރި ޓީމް މަސައްކަތުގެ ތެރެއިން: ފޮޓޯ އައިޑިއުކްސް އިންކް
"ހާތްތެރީގެ" ދެވަނަ ސީޒަން ފެށީ ފުރަތަމަ ސީޒަންގައި ބައިވެރިވި ޒުވާން ޓީމުގެ ތެރެއިން ޓީވީ ޝޯ އުފައްދަން ޝައުގުވެރިކަން ހުންނަ ކުދިން ވެސް ބައިވެރިކޮށްގެނެވެ.
"ހާތްތެރީގެ" ދެވަނަ ސީޒަންގެ ބައެއް އެޕިސޯޑުތައް 9،000 އާއި 10،000 އާއި ދެމެދު ގެ އަދަދަކަށް ބަލާފައިވެއެވެ.
ހާތްތެރި އުފެއްދުމުގެ ތެރެއިން: ފޮޓޯ އައިޑިއުކްސް އިންކް
"ހާތްތެރީގެ" ތިން ވަނަ ސީޒަން އުފެއްދުމަށް މަސައްކަތް ކުރަމުން އަންނައިރު، ތިން ވަނަ ސީޒަން ގެ ބްރޮޑްކާސްޓިން ޕާޓްނާއަކީ ސީއެންއެމް ޓީވީއެވެ.
