ގދ. ތިނަދޫން މީހުން ބާލައި ރަށް ފަޅު ކޮށްފައިވަނީ 1962 ވަނައަހަރުގެ ފެބްރުއަރީ 4 ވަނަ ދުވަހުއެވެ.
އިންތިޤާލީ އިންސާފުގެ އޮމްބަޑްސްޕަރސަންގެ އޮފީހަށް އެމައްސަލަ ހުށަހަޅާފައިވަނީ 1962 ވަނަ އަހަރު ގދ. ތިނަދޫއިން މީހުން ބޭލި ހާދިސާގައި ނިޒާމީ ސިފައެއްގައި ރާވައިގެން ދައުލަތުގެ އިދާރާއަކުން ނުވަތަ ދައުލަތުގެ އިދާރާއެއްގެ އިސް ހިންގުންތެރިއަކު ހިންގި ކަމަށް އަމަލެއް ކަމަށް ބުނެއެވެ
އެ އޮފީހުން ބުނީ އަޑުއެހުންތައް ބާއްވަނީ ހުށަހަޅާފައިވާ މައްސަލަތަކުގައި ހިނގާފައިވާ އިންސާނީ ޙައްގުތަކާއި އަސާސީ މިނިވަންކަމާ ހިލާފު ޢަމަލުތަކުގެ ސަބަބުން އަނިޔާ ލިބިފައިވާ ފަރާތްތަކުގެ ވާހަކަތައް އާންމުކޮށް ހިއްސާ ކުރުމުގެ ފުރުސަތު ފަހިކޮށްދިނުމުގެ ގޮތުންނާއި، މި މައްސަލައާ ގުޅޭ އިތުރު މަޢުލޫމާތު ހޯދުމުގެ ގޮތުން ކަމަށެވެ.
އެ މައްސަލަތަކުގެ އަޑުއެހުންތައް މި އަހަރުގެ މާރިޗު މަހުގެ 03 އިން 05 ވަނަ ދުވަހު ގދ. ތިނަދޫގައި ބޭއްވުމަށް އެއޮފީހުން ވަނީ ނިންމާފައެވެ. އަދި އެއަށްފަހު މި މައްސަލައިގެ އިތުރު އަޑުއެހުންތަކެއް މި އަހަރުގެ މާރިޗު މަހުގެ 18 އަދި 19 ވަނަ ދުވަހު މާލޭ ސިޓީގައިވެސް ބޭއްވުމަށް ވަނީ ނިންމައިފައެވެ. މި ޕަބްލިކް ހިއަރިންގތަކުގައި ބަޔާންދިނުމަށް އެދޭ ފަރާތްތަކުން ނަން ނޯޓުކުރެއްވުމަށް 15 ފެބުރުވަރީގެ ނިޔަލަށް ވަނީ ހުޅުވާލައިފައެވެ.
އެ އޮފީހުން ކުރި އިއުލާނުގައިވަނީ އެ އޮފީހުގެ ނަންބަރ 7223473 އަށް ފޯނުން ގުޅައި، ނުވަތަ އެސް.އެމް.އެސް މެދުވެރިކޮށް އަދި[email protected] އަށް އީމެއިލް ކޮށޤގެންވެސް މި މަޢުލޫމާތުތައް ހިއްސާކުރެވޭނެ ކަމަށެވެ.
ޕަބްލިކް ހިއަރިންގައި ބައިވެރިވާ ފަރާތްތަކުން ހިފަހައްޓަންޖެހޭ ސުލޫކީ މިންގަނޑާއި، ބަޔާންދޭން ނަންނޯޓުކުރާ ފަރާތްތަކުގެ ތެރެއިން ފުރުސަތު ދެވޭނެ ފަރާތްތައް ކަނޑައަޅާނެ ގޮތް ވެސް އިއުލާނާއެކު އާންމު ކޮށްފައިވެއެވެ.
