މިހާރު ކުރިއަށްދާ ރައްޔިތުންގެ މަޖިލީހަށް ރިޔާސީ ބަޔާން ހުށަހެޅުއްވަމުން ރައީސް ވިދާޅުވީ ތައުލީމީ ދާއިރާގެ ހުރިހާ މުވައްޒަފުންގެ މުސާރަ މޭ މަހު ބޮޑު ކުރަން ނިންމާފައިވާ ކަމަށެވެ.
އެމަނިކުފާނުގެ ވާހަކަފުޅުގައި ވިދާޅުވީ ގައުމު ބިނާ ކުރުމުގެ އެންމެ މުހިއްމު އަދި އެންމެ ބުރަ މަސްއޫލިއްޔަރު އަދާ ކުރަމުންދަނީ ޓީޗަރުން ކަމަށާއި، ޓީޗަރުންގެ އުޖޫރަ ބޮޑުކޮށްދިނުމަކީ އެމަނިކުފާނުގެ ވައުދެއް ކަމަށެވެ. އަދި އެވައުދު މި އަހަރު ތެރޭ ފުދިގެން ދާނެ ކަމަށް އެމަނިކުފާނު ވިދާޅުވިއެވެ.
މީގެ އިތުރުން އެމަނިކުފާނުގެ ވާހަކަފުޅުގައި ވިދާޅުވީ، ނިމިދިޔަ 2021 ވަނަ އަހަރު 4،082 ޓީޗަރުންނަށް ބޭނުންވާ ތަފާތު ހުނަރާއި ތަމްރީން ހޯދައި ދެވިފައި ވާކަމަށާއި، މިއަހަރުވެސް އެ މަސައްކަތް ހުއްޓުމެއް ނެތި ކުރިއަށް ގެންދާނެ ކަމަށެވެ.
އިތުރަށް ވާހަކަފުޅު ދައްކަވަމުން އެމަނިކުާނު ވިދާޅުވީ، ދަރިވަރިންގެ ކިޔެވުމަށް މި ސަރުކާރުން ވަރަށް އިސްކަން ދެމުން އަންނަ ކަމަށާއި، އެއްވެސް ދަރިވަރެއް ކިޔެވުމުން މަހުރޫމް ނުވާނެ ކަމަށެވެ. އެއާއި އެކު މިހާރު ރާއްޖޭގައި ސްޓެލައިޓް ސުކޫލް ފެށިގެން ކުރިއަށް ދާކަމަށް ރައީސް ސޯލިހު ވިދާޅުވިއެވެ.
