ރިޔާސީ ބަޔާން އިއްވަވަމުން ރައީސް ވިދާޅުވީ މިފްކޯއަކީ އަމިއްލަ ފައި މައްޗަށް ތެދުވެ ހިންގޭނެ ކުންފުންޏަކަށް މިއަހަރުގެ މެދުތެރޭގައި ވެގެންދާނެ ކަމަށާއި ސްޓޭޓެ ޓްރޭޑިން އޯގަނައިޒޭޝަން (އެސްޓީއޯ) އިން މިފްކޯ ވަކިކޮށް އަމިއްލައަށް ހިންގޭ ކުންފުންޏަކަށް މިއަހަރު ހަދާނެ ކަމަށެވެ.
"އިރާދަކުރެއްވިއްޔާ އަންނަ މާޗް މަހުގެ ފުރަތަމަ ހަފްތާއިން ފެށިގެން މިފްކޯއިން މަސް ގަންނަ އަގު ބޮޑުކުރެވޭނެ. ދެން މިފްކޯއިން މަސް ގަންނާނީ ދުނިޔޭގެ ބާޒާރުގައި މަހުގެ އަގަށް އަންނަ ބަދަލާއި އެއްގޮތަށް. ދުނިޔޭގެ ބާޒާރުގައި ބޮޑު އަގު ލިބޭ ނަމަ މިފްކޯއަށް ގަންނަ މަހުގެ އަގު ބޮޑުވާނެ."
ރައީސް ވަނީ ފާއިތުވި 15 އަހަރު ތެރޭ އެންމެ ގިނައިން މިފްކޯއިން މަސް ކިރީ މިދިޔަ އަހަރު ކަންވެސް ފާހަގަކޮށްފަ އެވެ. އަދި މަސްވެރިން ބާނާ މަހަށް ލަސްނުކޮށް ފައިސާ ލިބޭނެކަމުގެ ޔަގީންކަން މަސްވެރިންނަށް މިހާރު އޮންނާނެ ކަމަށް ވެސް ވިދާޅުވި އެވެ.
