ފުލުހުންގެ ޓްރެފިކް މެނޭޖުމަންޓް ޑިޕާޓުމަންޓާއި، އެލައިޑް އިންޝުއަރެންސް ގުޅިގެން މި ޕްރޮގްރާމް ފެށީ އެލައިޑުގެ 35 ވަނަ އަހަރީ ދުވަހާ ގުޅުވައިގެންނެވެ.
މި ޕްރޮގްރާމުގައި އެއްގަމު އުޅަނދު ދުއްވަނީ އެއްގަމު ދަތުރުފަތުރުގެ ގާނޫނާއި ގަވާއިދުތަކާ އެއްގޮތަށްތޯ ޓްރެފިކް ޕޮލިހުން ބަލައި ފާސްކުރާނެ އެވެ.
އެގޮތުން އުޅަނދުގެ އަހަރީ ފީ އާއި އިންޝުއަރެންސާއި ރޯޑްވާދިނަސް ފުރިހަމަވެފައިވޭތޯ ބަލައި އަދި ޓްރެފިކްގެ އެހެނިހެން ވައިލޭޝަންތައް ބަލައި ފާސްކުރުމަށް ހަމަޖެހިފައި ވެއެވެ.
މިއަދުން ފެށިގެން ތިން ހަފްތާގެ މުއްދަތަށް ކުރިއަށް ގެންދާ މި ޕްރޮގްރާމްގެ ތެރެއިން، އެއްގަމު އުޅަނދުގައި ފުރިހަމަ ކުރަން ޖެހޭ ހުރިހާ ކަމެއް ފުރިހަމަކޮށް ގަވާއިދާ އެއްގޮތަށް އުޅަނދު ދުއްވާ ފަރާތްތަކަށް އެލައިޑް އިންޝުއަރެންސްގެ ފަރާތުން ގިވްޓް ވައުޗާއެއް ދިނުމަށް ހަމަޖެހިފައި ވެއެވެ.
