ފައްޔާޒް މިފަދައިން ވިދާޅުވީ، އިންޑިއާ-އޭޝިއާ އެކްސްޕްރެސް ކޭބަލާ ރާއްޖެ ގުޅާލުމުމުގެ އެއްބަސްވުމުގައި ސޮއިކުރުމަށް މިއަދު ކްރޮސްރޯޑްސް ގައި ބޭއްވި ރަސްމިއްޔާތުގައި ދެއްކެވި ވާހަކަފުޅުގައެވެ.
ފައްޔާޒްގެ ވާހަކަފުޅުގައި ވިދާޅުވީ، މިއަދު އެއްބަސްވުމުގެ ސޮއި ކުރެވުނު މަސައްކަތް ނިމުމާއެކު ހަމަހަމަ ކަމާއި ހެޔޮ އަގުގައި އިންޓަނެޓުގެ ހިދުމަތް ދެވިގެން ދާނެ ކަމަށާއި، ސަރުކާރުގެ އަމާޒަކީ ހަލުވި އިންޓަނެޓުގެ ހިދުމަތް ރާއްޖޭގެ ހުރިހާ ރަށަކަށް ލިބޭނެ ގޮތް ހެދުން ކަމަށެވެ.
މީގެ އިތުރުން ފައްޔާޒް ވިދާޅުވީ، މިހާރު ރާއްޖެއިން ހަމައެކަނި އެކްސްޕޯޓް ކުރަމުންދަނީ މަސްވެރިކަމުގެ އެކި އުފެއްދުންތައް ކަމަށާއި، އެހެން ނަމަވެސް މި އިންފްރާސްޓްރަކްޗާ ގާއިމްވެގެން ދިއުމުން ރާއްޖޭގައި ޑޭޓާ ސެންޓަރުތަކާއި، އިންޓަނެޓުގެ ކެޕޭސިޓީ ފޯރުކޮށްދީގެން ރާއްޖެއިން ބޭރުގެ ގައުމަތަކާއި އެކު ވިޔަފާރި ކުރެވިދާނެ ކަމަށް އުއްމީދު ކުރައްވާކަމަށެވެ.
އަދި ސަރުކާރުގެ އަމާޒަކީ ރާއްޖޭގެ އިގްތިސާދު ވަކި ކަމަކަށް ބަރޯސާވެފައި އޮތް އޮތުން ނިމުމަކަށް ގެނަސް އިގްތިސާދީ ގޮތުން ފުދުންތެރި ގައުމަކަށް ރާއްޖެ ހެދުން ކަމަށްވެސް ފައްޔާޒް ވިދާޅުވިއެވެ.
މިއަދު ސަރުކާރުން އެޅި ސަބްމެރިން ކޭބަލްއާ އެކު، ކޭބަލް މެދުވެރިކޮށް ރާއްޖެއާއި މުންބާއީއާއި، ސިންގަޕޫރާއި މި ސަރަހައްދުގެ އެހެން ގައުމުތަކާ ވެސް ގުޅައިލެވޭނެއެވެ.
