އަލީ ނިޒާރު މިއަދު ކުރެއްވި ޓުވީޓެއްގައި ވިދާޅުވީ އައްޑޫގެ ތަރައްގީގެ މަސައްކަތް އެންމެ ގާތުން ބައްލަވައި މަޝްވަރާ ދެއްވާ ބޭފުޅަކީ މިނިސްޓަރު ފައްޔާޒް އިސްމާއީލު ކަމަށެވެ.
މީގެ އިތުރުން ނިޒާރު ވިދާޅުވީ އަންނަ ރިޔާސީ އިންތިހާބު ހޯދަން އެމްޑީޕީއަށް ބޭނުންވަނީ ''ގަޓް'' ހުރި ލީޑާޝިޕެއް ކަމަށާއި, އެ ގޮތުން ފައްޔާޒަކީ ހިންގައިލައްވާނެ ބޭފުޅެއް ކަމަށެވެ.
އެމްޑީޕީގެ ޗެއާޕާސަން އިންތިހާބު ބާއްވަން ތާވަލްކޮށްފައިވަނީ އަންނަ އޭޕްރީލް މަހުގެ 16 ވަނަ ދުވަހުއެވެ. މި އިންތިހާބުގައި ފައްޔާޒްގެ އިތުރުން ދެން ވާދަކުރައްވަނީ މާފަންނު އުތުރު ދާއިރާގެ މެންބަރު އިމްތިޔާޒު ފަހުމީ (އިންތި) އެވެ.
އެމްޑީޕީގެ އަންހެނުންގެ ރޫހުގެ ރައީސާކަމަށް ވާދަކުރައްވަނީ އައްޑޫ މީދޫ ދާއިރާގެ މެންބަރު ރޮޒައިނާގެ އިތުރުން "ވިމަން އެންޑް ޑިމޮކްރަސީ" ގެ ނަމުގައި ރާއްޖޭގައި ހިންގާ އެންޖީއޯގެ ފައުންޑާ އަދި ރައީސް ސަފާތު އަހްމަދު ޒާހިރެވެ.
