ރައްޔިތުން މަޖިލީހުގެ މިއަދުގެ ޖަލްސާގައި ހޯމް މިނިސްޓަރު އިމްރާން އަބްދުﷲ އާއި ސުވާލު ކުރައްވަން ލިބިވަޑައިގަތް ފުރުސަތުގައި އިންތި ވިދާޅުވީ ސަރުކާރުގެ ތެރެއިން ކޮރަޕްޝަން މަދުކުރެވޭނީ މައްސަލަތައް ތަހްގީގު ކުރެވޭކަމުގެ ޔަގީންކަން ލިބުމުން ކަމަށެވެ. އަދި މި ސަރުކާރު އައި ފަހުން އިކޮނޮމިކް މިނިސްޓްރީގެ ތެރޭގައި ހިންގި ހިޔާނާތެއްގެ މައްސަލަ އިމިގުރޭޝަނުން ފުލުހަށް ހުށަހެޅިތާ ތިން އަހަރުވަނީ ކަމަށް ވިދާޅުވެ އިންތި ވަނީ ތަހްގީގަށް ހުރަސް އަޅަނީތޯ ސުވާލު ކުރައްވާފައެވެ.
ޖަވާބުގައި އިމްރާން ވިދާޅުވީ ކޮންމެއަކަސް އެ މައްސަލައަކީ ވަކި ސްޕެސިފިކް ތަހްގީގަކަށްވާތީ, މިއަދާއި ހަމައަށް އައިއިރަކު ސީދާ އެ ތަހްގީގު ގޮސްފައި އޮތް މިންވަރާއި, އެކަން ހިނގާފައި އޮތް ގޮތް ދަންނަވަން ދަތި ކަމަށެވެ. އަދި މިހާރުގެ އަޕްޑޭޓް ދަންނަވަން އެނގޭވަރަކަށް ބަލައިލެވިފައެއް ނެތްކަމަށް ވެސް އިމްރާން ވިދާޅުވިއެވެ.
