ބިން ކުއްޔަށް ނެގުމަށް އެޗްޑީސީއާއެކު އެމްޕީއެލް އިން އެއްބަސްވުމެއްގައި ސޮއިކުރުން -- ފޮޓޯ: އެމްޕީއެލް
ކޮންޓެއިނަާ ސްޓޯރޭޖް ބޮޑުކުރުމަށް އެމްޕީއެލް އިން ބިމެއް ކުއްޔަށް ނަގައިފި
ލީވާން އަލީ ނާސިރު
24 މާރޗް 2022 - 13:07:57
ހުޅުމާލެ އިންޓަނޭޝަނަލް ޓާމިނަލްގެ ކޮންޓެއިނާ ސްޓޭރޭޖް ބޮޑުކުރުމަށް މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ބިމެއް ކުއްޔަށް ނަގައިފި އެވެ.
Advertisement
އެމްޕީއެލް އިން ބުނީ، އެ ކުންފުނިން ހުޅުމާލޭގެ އިންޓަނޭޝަނަލް ޓާމިނަލްގެ ކޮންޓެއިނާ ސްޓޯރޭޖް ބޮޑުކުރުމަށް ބޭނުންވާ ބިމެއް ކުއްޔަށް ނެގުމުގެ އެއްބަސްވުމުގައި އެޗްޑީސީއާއެކު ބުދަ ދުވަހު ސޮއިކޮށްފައިވާ ކަމަށެވެ.
މި އެއްބަސްވުމުގެ ދަށުން، އެމްޕީއެލްގެ ހުޅުމާލެ އިންޓަނޭޝަނަލް ޕޯޓާ އިންވެގެން އޮންނަ ބިން ލިބި، މިހާރު އެ ކުންފުންޏަށް ދިމާވެފައިވާ ޖާގައިގެ ދަތިކަމަށް ހައްލު ގެނައުމަށް އެ ސަރަހައްދުގައި ހުސް ކޮންޓެއިނާ ޖެހޭނެ ކަމަށެވެ.
މީގެއިތުރުން އެމްޕީއެލް އިން ބުނީ، މި ބިމާއެކު ކެޕޭސިޓީ އިތުރުވެ، "އޮޕަރޭޝަން ކެޕޭސިޓީ" ރަނގަޅުވެގެންދާނެ ކަމަށެވެ.
"ރޯދަ މަހަކީ ކުންފުނީގެ މަސައްކަތުގައި ބާރު ބޮޑު އަދި ދިވެހި ރާއްޖެއަށް އެތެރެކުރާ މުދަލުގެ އަދަދު ވެސް އިތުރުވެގެންދާ މައްސަރަކަށް ވުމާ އެކު، މި ވެވުނު އެއްބަސްވުމުގެ ދަށުން މި ކުންފުނީގެ މައި ޕޯޓު (މާލެ ކޮމާޝަލް ހާބާ) ގައި ކޮންޓެއިނާ ޖާގަ މަދުވެ، މުދާ ނުބޭލިގެން ދިމާވާ މައްސަލަތަކަށް ހައްލު ލިބިގެންދާނެ. އަޅުގަނޑުމެން ކުންފުނީގެ އަމާޒަކީ، ބޯޓުން މުދާ އަވަހަށް ބާލައި ކަސްޓަމަރުންނަށް މުދާ އަވަހަށް ފޯރުކޮށްދިނުން" އެމްޕީއެލްގެ ސްޕޯކްސްޕާސަން ދާނިޝް ނިޒާމް ވިދާޅުވި އެވެ.
އެމްޕީއެލް އިން ހުޅުމާލެއިން ކުއްޔަށް ނެގި ބިމުގެ ސައިޒު 120،000 އަށް ވުރެ ބޮޑުވުމުގެ އިތުރުން އެ ބިމުގައި 2،000 ކޮންޓެއިނާ ސްޓޯ ކުރެވޭނެ ކަމަށް އެ ކުންފުނިން ބުނެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
