"ޓްރޮޕިކަލް ވޭވް" އިން މިއަދު ބުނީ މި މުބާރާތުގަައި އާންމުކޮށް ހުރިހާ އުމުރު ފުރައެއްގެ މީހުންނަށްވެސް ބައިވެރިވެވޭނެ ކަމަށެވެ. އެގޮތުން 10 އަހަރުން ދަށް، 18 އަހަރުން ދަށާއި 18 އަހަރުން މަތީގެ އުމުރުފުރައަށް މި މުބާރާތް ވަނީ ހާއްސަކޮށްފައެވެ.
ނަން ނޯޓު ކުރުން ކުރިއަށް ދަނީ "ޓްރިޕިކަލް ވޭވް" ގެ ކްލައުބްހައުސް ގައި ކޮންމެ ދުވަހެއްގެ ހަވީރު 16:00 އިން 17:30އަށް އަދި ރޭގަނޑު 08:30 އިން 21:30 އަށެވެ. މި މުބާރާތުގައި މިހާތަނަށް 70 އަށްވުރެ ގިނަ ބައިވެރިން ނަންނޯޓު ކޮށްފައިވާއިރު، މުބާރާތުގައި ނަން ނޯޓު ކުރުމުގެ ފުރުސަތު މާދަމަރޭ 21:30 އަށް ހަމަވާނެއެވެ.
މި މުބާރަތް ދެއްކުމަށް ހަމަޖެހިފައިވަނީ ކޮންމެ ހުކުރު ދުވަހަކު ސީއެންއެމް ޓީވީން ނެވެ. ސީއެންއެމް ޓީވީން ދެއްކުމަށް ހަމަޖެހިފައިވަނީ 10 އަހަރުން ދަށުގެ އުމުރު ފުރައިގެ ބައިވެރިންގެ ކިޔެވުންތަކެވެ.
ފޮޓޯ: ޓްރޮޕިކަލް ވޭވް
މުބާރާތުގައި ޖަޖުންގެ ގޮތުގައި ތިއްބަވާނީ ކީރިތި ޤުރުއާނާ ބެހޭ މަރުކަޒުގެ ބޭފުޅުންނެވެ. މުބާރާތުގެ ވަނަ ވަނަ އަށް ދާ މީހުންނަށް ހަނދަނީ ފިލައާއި، ފައިސާގެ އިނާމު ދިނުމަށް ވަނީ ނިންމާފައެވެ.
މުބާރާތުގެ އޮޑިޝަންތައް މިހާރު ފަށާފައިވާއިރު، އޮޑިޝަންތައް ނިންމާލާނީ މިމަހު 30 ވަނަ ދުވަހުއެވެ.
