އެހެންކަމުން އަފްޣާންގެ ހިންގުން ތާލިބާނުގެ އަތްދޮށަށް ވަނީ ގޮސްފައެވެ. ތާލިބާނުން އެމީހުންގެ ސަރުކާރެއް އެގައުމުގައި ގާއީމުކޮށް މިއުޒިކާއި، ފިލްމާއި، މުނިފޫހިފިލުވުމުގެ ގިނަ ވަސީލަތްތަކެއް ވަނީ މަނާކޮށްފައެވެ.
ޒުވާން ޖީލު ހަަލާކުވަމުންދާތީ ޕަބްޖީ އަދި ޓިކްޓޮކް މަނާކުރިކަން އެ ގައުމުގެ ޓެލެކޮމިއުނިކޭޝަން މިނިސްޓްރީން ހާމަކޮށްފައިވަނީ އިއްޔެ އެވެ.
ހަބަރުތައް ބުނާގޮތުން އެގައުމުގެ ސްކަންޑަރީ ސްކޫލުތަކުގައި ކިޔަވާ އަންހެން ކުދިންނަށް ތައުލީމުގެ ފުރުސަތު ވަނީ ބަންދުވެފައެވެ. އަދި އަންހެނުންނަށް ސަރުކާރު ވަޒީފާތަަކަަށް ދިއުމާއި، ގައުމުން ބޭރަށް ދިއުމުގެ އިތުރުން އެއް ސިޓީން އަނެއް ސިޓީއަށް އެކަނި ދިއުންވެސް އެ ގައުމުގައި މަނަލެވެ. އެފަދަ ގޮތަަކަށް އަންހެނުންނަށް ދަތުރުކުރެވޭނީ އާއިލާގެ ބޮޑު ފިރިހެނަކާއި އެކު އެކަންޏެވެ.
ޑަޓާ ރިޕޯޓަލްގެ މައުލޫމާތުތަކުން ދައްކާގޮތުގައި އެގައުމުގެ 38 މިލިއަން އަފްގާން ރައްޔިތުންގެ ތެރެއިން އިންޓަނެޓް ބޭނުންކުރަނީ މިހާރު ނުވަ މިލިއަން މީހުންނެވެ.
