ބަރަހަނާ ވީޑިއޯ ބެލި މައްސަލާގައި އޭނާ ސަސްޕެންޑު ކޮށްފައި ވާއިރު، މަޖިލީހުގެ ސްޓޭންޑާޑްސް ކޮމިޝަނަރު މިހާރު ދަނީ އެ މައްސަލަ ތަހުގީގު ކުރަމުންނެވެ.
މި މައްސަލަ މަޖިލީހުގެ އިދާރާގެ ސަމާލުކަމަށް ގެނައި، މި ހަފްތާގެ ކުރީކޮޅު މަޖިލީހުގެ ދެ އަންހެން މެމްބަރުން ކައިރީގައި އިށީނދެ އިނދެ ބަރަހަނާ ވީޑިއޯ ބެލި މައްސަލަ އެ ދެ މެމްބަރުން ހުށައެޅުމުންނެވެ.
މި މައްސަލަ އާއި ގުޅިގެން ބީބީސީއިން ސުވާލު ކުރުމުން ޕެރިޝް ވަނީ، މަޖިލީހުން ކުރިއަށް ގެންދާ ތަހުގީގަށް ފުރިހަމައަށް އެއްބާރުލުން ދޭނެ ކަމަށްބުނެފައެވެ.
އޭނާ ކުށެއް ކުރީތޯ އާއި ފޯނުގައި އެއްޗެއް ހުޅުވީ އޮޅުމަކުންތޯ ސުވާލު ކުރުމުން އޭނާ ބުނީ "އަހަރެން ކުރި ކަމެއް، އެކަމަކު އިންކުއަރީއިން އެ މަންޒަރު ބަލަން ދޫކޮށްލާ" ކަމަށެވެ.
މީގެ އިތުރުން ޕެރިޝް ބުނީ އޭނާގެ މައްޗަށް މި މައްސަލަ ސާބިތުވާކަމަށް ނިންމާފިނަމަ މަޖިލީހުގެ މެމްބަރެއްގެ ގޮތުގައި ނުހުންނާނެ ކަމަށެވެ.