މަރުވެފައިވަނީ ނިލަންދޫ ނަރުގިސްވިލާ އިސްމާއީލް ނަސީރު ނަމަކަށް ކިޔާ ދެބައި އުމުރުގެ (ސީދާ އުމުރު އަދި ސާފެެއް ނުވޭ) މީހެކެވެ.
ނަސީރު މަރުވެފައިވަނީ މިރޭ 11:15 ހާއިރު އެވެ. “ސީއެންއެމް”އަށް މައުލޫމާތު ލިބިފައިވާ ގޮތުގައި ނަސީރު މަރުވެފައިވަނީ ހާޓް އެޓޭކެއް ޖެހިގެންނެވެ.
ސީއެންއެމްއަށް މައުލޫމާތު ދެއްވަމުން ނިލަންދޫ ކައުންސިލްގެ ރައީސް އަލީ އަހުމަދު ވިދާޅުވީ ނަސީރު މަރުވެފައިވަނީ ހާލުބޮޑުވުމުގެ ސަބަބުން ކުއްލި ގޮތަކަށް މާލެ ގެނައުމަށް ސީއެމްބިއުލާސްގައި ދަތުރުކުރަމުންދަނިކޮށް ކަމަށެވެ.
އަލީ ވިދާޅުވީ ނަސީރުގެ މެއަށް ތަދެއް އަރައިގެން މިއަދު ހަވީރު ނިލަންދޫ ސިއްހީ މަރުކަޒަށް ގެންދިޔަ ކަމަށާއި، އެވަގުތުން ފެށިގެން ނަސީރު މާލެ ގެންދިއުމަށް ޑޮކްޓަރުން ލަފާދެއްވާފައިވާ ކަމަށެވެ. ނަމަވެސް އެހެން ރަށަކުން ސީއެމްބިއުލާސް ދަތުރެއް ހަމަޖެހެންދެން މާލެ ނުގެންގޮސް މަޑުކުރަން ޖެހުނީ ކަމަށެވެ.
ނިލަންދޫން ވާހަކަ ދެއްކި އިތުރު މީހަކު ބުނީ ނަސީރުގެ ބަލި ހާލަތު ސީރިއަސް ކަމަށް ހޮސްޕިޓަލުން މައުލޫމާތު ލިބުނު ކަމަށާއި، ނަމަވެސް މާލެ ގެންދިއުން ހޮސްޕިޓަލުން ލަސްކޮށްފައިވަނީ ދ. ކުޑަހުވަދޫ ސީއެމްބިއުލައިންސް އެއް ގެނެސްގެން ދަތުރުކުރުމަށް މަޑުކޮށްގެން ތިބުމާއި، މި ދަތުރުގައި ފ. ފީއަލީގައި ޖައްސައި އިތުރު ބަލި މީހަކު ގެންދިއުމަށް މަޑުކޮށްފައިވާ ކަމަށެވެ.
ސީއެމްބިއުލާންސް އައުން ލަސްވެގެން އަވަސް ފަރުވާ ނުދެވި މީގެ ކުރިން ވެސް މީހުން މަރުވެފައިވާ މައްސަލަތައް ބޮޑެވެ.
