"ސީއެންއެމް"އަށް މިއަދު ދެއްވި އިންޓަވިއުއެއްގައި ތުލުސްދޫ ކައުންސިލްގެ ރައީސް އަސްލަމް މޫސާ ވިދާޅުވީ މިވަގުތު ތުލުސްދޫގައި އެއްވެސް ވަރަކަށް ފެން ބޭނުން ނުކުރެވޭ ކަމަށެވެ. އަދި ވިދާޅުވީ ސަރުކާރުން މި މައްސަލަ އަށް ހައްލު ހޯދައިދޭން އަބަދުވެސް މަސައްކަތްކުރައްވާނެ ކަމަށް ވިދާޅުވާ ކަމަށެވެ.
ތުލުސްދޫ ކައުންސިލްވެސް އިންތިހާބުވެފައިވަނީ ރައްޔިތުންގެ ވޯޓަކުން ކަން ފާހަގަކުރައްވަމުން އަސްލަމް ވިދާޅުވީ ފެން ތަގައްޔަރުވެފައި އޮތުމުގެ ސަބަބުން ރަގަޅު ފެނުގެ ނިޒާމެއް ގާއިމުވެފައި ނެތުމުން ރައްޔިތުން ކޮންމެ ދުވަހަކު ކައުންސިލަށް ޝަކުވާ ހުށައަޅަމުންދާ ކަމަށެވެ.
އަސްލަމް ވިދާޅުވީ ފެނުގެ މައްސަލަ ހައްލުކުރުމަށް އެންވާރަމަންޓް މިނިސްޓްރީ އާއ ވަރަށް ގިނަ ފަހަރު ބައްދަލުކޮށް ވާހަކަ ދެއްކިއްޖެ ކަމަށާއި، ރައްޔިތުންނަށް ފޯރުކޮށްދޭންޖެހޭ ޒަރޫރީ މިފަދަ ބޭނުންތައް ފުއްދައިދިނުމަކީ ގާނޫނު އަސާސީންވެސް ރައްޔިތުންނަށް ކަށަވަރު ކަމާއެކު ފޯރުކޮށްދޭންޖެހޭ ހިދުމަތެއް ކަމަށެވެ.
ތުލުސްދޫގެ މަގުމަތި
އަސްލަމް ވަނީ ތުލުސްދޫގެ ފެން ތަގައްޔަރުވެފައި ހުރުމުން އެރަށުގައި ހުންނަ މިސްކިތު ވަޅުންވެސް ނުބައިވަސްދުވާތީ މިސްކިތުގައިވެސް ނުބައި ވަސް ފެތުރުފައިވާކަން ހިއްސާކުރައްވާފަ އެވެ.
ތުލުސްދޫ ކައުންސިލް މެންބަރު ޔޫޝައު ޖަމީލް "ސީއެންއެމް" ވިދާޅުވީ ފެނުގެ ދަތިކަން ހުރުމުގެ ސަބަބުން އެރަށުގައި ހިންގާ ގެސްޓްހައުސް ވިޔަފާރިތަކަށް ވަރަށް ބޮޑެތި އަސަރުތައް ކުރަމުންދާ ކަމަށެވެ. އަދި ވިދާޅުވީ ގެސްޓްހައުސްތަކަށް ފެން ފޯރުކޮށްދޭން ޖެހެނީ ހަންހަމުގައި ކޮކާކޯލާ ކުންފުނިން ފެން ގަނެގެން ގެންގޮސް ކަމަށެވެ.
ތުލުސްދޫގެ މަގުމަތި
ތުލުސްދޫގައި މިވަގުތު 32 ގެސްޓްހައުސް ހިންގަމުން ދެ އެވެ. އަދި 10 ގެސްޓްހައުސްއެއްގެ މަސައްކަތް މިހާރު ދަނީ ކުރެވެމުންނެވެ.
ތުލުސްދޫއަކީ ފަތުރުވެރިކަމަށް މާލެ ސަރަހައްދުގައި އެންމެ ފާހަގަކޮށްލެވޭ އެއް ރަށެވެ.
