"ސީއެންއެމް" މިއަދު ދެއްވި އެކްސްކްލޫސިވް އިންޓަރވިއުއެއްގައި ސިޔާސީ ދާއިރާ އިން އިތުރަށް ކުރިއަށްދާން ގަސްތުކުރަންތޯ ކުރެއްވި ސުވާލަށް ޖަވާބުދެއްވަމުން މުހައްމާ ބުނީ ސިޔާސީ ދާއިރާ އިން ކުރިއަށް އޮތް ތަނުގައި ނުކުންނަވާނެ ކަމަށެވެ.
މުހައްމާ ބުނީ ސިޔާސީ ދާއިރާއިން ކުރިއަށް ދިއުމަށް ވިސްނާއިރު އޭނާ ހިމެނޭ އިހަވަންދޫ ދާއިރާގެ ހުރި މައްސަލަތަކަކީ ކޮބައިކަމާއި އެކަންކަމަށް އެޑްރެސްކޮށް ހައްލު ހޯދައިދެވިދާނެ ގޮތްތަކާއި ބެހޭގޮތުން ކުރިއަށް ވަޑައިގަންނަވަން އެނގިވަޑައިގަންނަވާ ކަމަށެވެ.
މުހައްމާ ބުނީ ފިލްމީ ދާއިރާގެ މަސައްކަތަކީ އޭނާ ވަރަށް ގާތުން ކުރައްވަމުން އައި މަސައްކަތެއް ކަމަށެވެ. އެހެންކަމުން ފިލްމީ ދާއިރާގައި ކެމެރާގެ ފުރަގަހުން ވެސް ގިނަ ަސައްކަތްތަކެއް މިހާރުވެސް ކުރަމުން އަންނަ ކަމަށެވެ.
ފިލްމު ތަކުގައި މަޖާ ރޯލެއްގެ ބައި އަދާކުރުމުގައި ވަރަށް ކާމިޔާބު މަސައްކަތަކެއް ކުރައްވައި ގިނަ ބައެއްގެ މަގުބޫލުކަންވެސް ހޯދާފައިވާތީ ދެން އިތުރަށް މިފަދަ ރޯލަކުން ފެނިދާނެތޯ ސީއެންއެމްގެ ޓީމުން ކުރި ސުވާލަށް ޖަވާބުދެއްވަމުން މުހައްމާ ބުނީ ފިލްމް މިފަދަ ރޯލަކުން ފެނުމަކީ ވެސް އެކަށީގެންވާ ކަމެއް ކަމަށެވެ.
މުހައްމާ އާއެކު ސީއެންއެމްއިން ހޭދަކުރި ވަގުތުކޮޅުގައި މުހައްމާ ވަނީ ފިލްމީ ދާއިރާގައި މިވަގުތު ހުރި ބައެއް ކަންބޮޑުވުންތައްވެސް ހިއްސާކޮށްފަ އެވެ.
