މިދިޔަ އަހަރު 1 ބިލިޔަން ޑޮލަރުގެ އާމްދަނީއެއް ހޯދާފައިވާ މިފިލްމުގެ ކާސްޓުންނާއި ހަވާލާދީ މީޑީޔާތައް ބުނާގޮތުން އާ ސީންތަކާއެކު މިފިލްމު އަޅުވަން މިހާރު ތައްޔާރުވެފައިވާ ކަމަށެވެ. މިފިލްމު އަލުން އަޅުވަން ހަމަޖެހިފައިވަނީ މިއަހަރު ސެޕްޓެމްބަރ މަހު 2 ވަނަ ދުވަހުން ފެށިގެންނެވެ. އަދި ފިލްމު އެންމެ ފުރަތަމަ އަޅުވާން ހަމަޖެހިފައިވަނީ އެމެރިކާ އާއި ކެނެޑާގައެވެ. އެއަށްފަހު، އެ ފިލްމު އެހެން ސަރަހައްދުތަކުގައި ވެސް އެޅުވުމަށް ވަނީ ހަމަޖެހިފައިވާ ކަމަށް ކާސްޓުންނާއި ހަވާލާދީ މީޑިޔާ ރިޕޯޓްތައް ބުނެއެވެ.
ޑިޒްނީއިން ނެރުނު މިފިލްމު ގިނަބަޔަކަށް ކަމުގޮސްފައިވަނީ މީގެ ކުރިން ނެރުނު ހުރިހާ ސްޕައިޑާމޭން ފްރެންޗައިޒެއްގައި އެ ރޯލު ކުޅުނު އެކްޓަރުން ކަމަށްވާ ޓޯބީ މެގުއާޔާ އާއި އެންޑްރޫ ގާފީލްޑް އަދި މިހާރު އެ ރޯލު ކުޅޭ ޓޮމް ހޮލެންޑް އެއް ފިލްމަކުން ފެނުމުންނެވެ. މިދިޔައަހަރު އެކަނި "ސްޕައިޑާމޭން: ނޯ ވޭ ހޯމް"އަށް 1.9 ބިލިޔަން ޑޮލަރުގެ އާމްދަނީއެއް ވަނީ ލިބިފައެވެ.
މިފިލްމު މިދިޔައަހަރު ޑިސެމްބަރގައި އެޅުވުމަށްފަހު މިހާރު ވަނީ ފިލްމުގެ ބްލޫރޭ ވެސް ރިލީޒްކޮށްފައެވެ.
