އެމްއެންޑީއެފް އިން މިރޭ މައުލޫމާތު ދެމުން ބުނީ، ރާމިޒް ހޯދުމުގެ މަސައްކަތް ހުއްޓުމެއް ނެތި ކުރިއަށް ގެންދާ ކަމަށާއި، އަދި މިހާތަނަށް އޭނާ ހޯދުމަށް ކުރި މަސައްކަތުން އޭނާ ފެނިފައި ނުވާ ކަމަށެވެ. 

މިހާތަނަށް އޭނާ ހޯދުމަށް 7481.699 ސްކޮޔާ ނޯޓިކަލް މޭލު ބަލާފައި ވާކަމަށް ވެސް އެމްއެންޑީއެފް އިން ވަނީ ބުނެފަ އެވެ. 

ރާމިޒް ދަތުރުކުރިކަމަށް ބެލެވޭ ކެނޯ، ނ.ކެނދިކުޅުދޫގެ ހުޅަނގުއުތުރު ފަރާތު އަތިރިމައްޗަށް ލައްގާފައި އޮއްވައި އާންމު މީހަކަށް ފެނިގެން އެ ރަށުގެ ކައުންސިލަށް ވަނީ މީގެ ކުރިން ރިޕޯޓް ކޮށްފަ އެވެ.

ރާމިޒް ދަތުރުކުރިކަމަށް ބެލެވޭ ކެނޯ ފެނުނުކަމުގެ މައުލޫމާތު ލިބިފައިވަނީ މިމަހުގެ ނުވަ ވަނަ ދުވަހުގެ ހެނދުނު 10:15 ހާއިރު ކަމަށް އެމްއެންޑީއެފް ވަނީ ބުނެފަ އެވެ.