މިއަދު ފާހަގަ ކުރަމުންދާ ރާއްޖޭގެ މިނިވަން ދުވަހުގެ މުނާސަބަތާއި ގުޅުވައިގެން ޝެހިހު ޒައިދު ވިދާޅުވީ ހަގީގީ މިނިވަން ކަމުގެ އިހުސާށް ކުރެވޭނީ ހުޅަނގުގެ ލާދީނީ ފިކުރުތަކުން މިންޖުވެވިގެން ކަމަށެވެ.
ޒައިދު ވިދާޅުވީ ފާހިޝް ނުބައި ކަންކަން އާންުވާހިނދު އެކަންކަމަށް ފިޔަވަޅު އެޅައި އަދި ބޭރުގެ ނުވަތަ ހުޅަނގުގެ ގައުމުތަކުގެ ނުފޫޒު ތަކުން އެއްކިބާވެގެން އިސްލާމީ އުސޫލުތަކަށްވެސް ރަގަޅަށް ތަބާވެގެން ކަމަށެވެ.
ޒައިދު ވަނީ މީގެ ކުރިން މި ރާއްޖެ ސަދޫމު ސިޓީގެ ދަރަޖައަށް ގޮސްފައިވާ ކަމަށް ވިދާޅުވެ ސަދޫމު ސިޓީއަށް މި ރާއްޖެ ވިޔަ ނުދިނުމަށްވެސް ގޮވާލާފަ އެވެ.
ޒައިދު ވިދާޅުވީ މި ރާއްޖެ ސަދޫމް ސިޓީއަށް ވިޔަ ނުދިނުމަށް ގޮވާލާ ކަމަށާއި، ފާހިޝް ނުބައި އަމަލުތައް ކުރި މީހުންގެ ތެރެއިން މަތީމަގާމުތަކުގައި މީހުން ތިބި ނަމަ އެބައެއްގެ މޫނަކަށް ކަނދުރާއަކަށް ނުބަލައި މަގާމުންވެސް ވަކިކޮށްދެއްވުމަށް ގޮވާލާ ކަމަށެވެ.
މިއަދު ފާހަގަ ކުރަމުންދާ މިނިވަން ދުވަހުގެ މުނާސަބަތާއި ގުޅިގެން ރައީސުލް ޖުމްހޫރިއްޔާ އިބްރާހިމް މުހައްމަދު ސޯލިހު ވިދާޅުވެފައިވަނީ ދިވެހި ރާއްޖެ އިސްލާމީ ގައުމެއްގެ ގޮތުގައި އޮތުމަކީ ވަރަށް ބޮޑު ނަސީބެއް ކަމަށެވެ.
ރައީސް ނެރުއްވި ވީޑިއޯ ހިތޯބުގައި އެމަނިކުފާނު ވިދާޅުވީ ރާއްޖޭގެ މިނިވަންކަން މިހާތަނަށް ދެމި އޮތުމުގެ އެންމެ ބޮޑު ސިއްރަކީ ރާއްޖޭގައި އިސްލާމީ ވަހުދަތު ގާއިމުވެފައި އޮތުމުން ކަމަށާއި، އެއީ ވަރަށް ބޮޑު ނަސީބެއް ކަމަށެވެ.
ރައީސް ވިދާޅުވީ އިސްލާމް ދީނުގެ ރިސާލަތާއި ހިދާޔަތުން މުޅި ދިވެހި އުންމަތް އެކުއެކީ އަލިވެ އުޖާލާވެގެން ހިޖައްޖެ ކަމަށާއި، އެއީ ރާއްޖެއަށް ލިބޭނެ އެންމެ ބޮޑު ނަސީބާއި ރަހުމަތް ކަމަށެވެ.
