މިއީ ފުރަތަމަ ކުއާޓާއާއި އަޅައި ބަލާއިރު މި އަދަދަކީ 22 އިންސައްތައިގެ ކުރިއެރުމެއް ކަމަށް އެކުންފުނިން ވަނީ ބުނެފަ އެވެ.
ދުނިޔޭގެ ބާޒާރަށް ކުރިމަތިވެފައިވާ ތެލުގެ ވިޔަފާރި އުފުލުމާއި ގުޅިގެން އެސްޓިއޯ އިން ކުރަމުން އައި ތެލުގެ ވިޔަފާރި ވަނީ ވަރަށް ބޮޑަށް ދަށަށް ގޮސްފަ އެވެ.
އެގޮތުން ކުންފުންޏަށް ލިބުނު ފައިދާގެ ތެެއިން ފުރަތަމަ ކުއާޓާއާ އަޅާ ބަލާއިރު 11 މިލިއަން ރުފިޔާގެ ވަނީ ދަށްވެފަ އެވެ. މިއީ ލިބުނު ފައިދާގެ ތެރެއިން ދެ ޕަސެންޓެވެ.
ޓެކްސް އަށް ކެނޑުމަށްފަހު ދެވަނަ ކުއާޓަރުގައި ކުންފުންޏަށް ސާފި ފައިދާގެ ގޮތުގައި ވަނީ 155 މިލިއަން ރުފިޔާގެ ކުރިއެރުމެއް ހޯދާފަ އެވެ. މިއަދަދަކީ މިދިޔަ އަހަރާއި އަޅައި ބަލާއިރު ހަތަރު ޕަސެންޓުގެ ކުރިއެރުމެކެވެ.
މިފްކޯގެ އަލަށް ތައާރަފްކުރި މަސްދަޅު އެސްޓިއޯއަށް ހަދިޔާކުރަނީ
އެސްޓިއޯ އިން ވަނީ ހަރަދުތައް ކުޑަކޮށް އެހެން ނަމަވެސް އާންމުދަނީ ހޯދުމަށްޓަކައި ކުންފުނިން ކުރަމުން އައި ތެލުގެ ވިޔަފާރި ނޫން އެހެން ހުރިހައި ވިޔަފާރިތަކެއްވެސް ފުޅާކޮށްފަ އެވެ.
އެގޮތުން މުދާ ރާޢްޖެ އެތެރެކުރުމަށް އެސްޓިއޯއިން ވަނީ ދާދި ފަހަކުން ބޯޓެއްވެސް ގަނެފަ އެވެ. އަދި އެކުންފުނިން ވިއްކާ މަކިޓާ ބްރޭންޑްތަކަށް ހާއްސަ ޝޯރޫމް ހުޅުވުމާއި، އެހެނިހެން ވިޔަފާރިތައްވެސް ހިމެނެ އެވެ.
އެސްޓިއޯއިން މަކިޓާ ބްރޭންޑަށް ހާއްސަކޮށް ރޭ ހުޅުވި ޝޯރޫމް
އެސްޓިއޯ އަކީ ރާއްޖެއަށް ކާޑުގެ ބާވަތްތައް އެތެރެކުރާ މައި ކުންފުންޏެވެ. އެކުންފުނިން ދަނީ ކާޑާއި، ގޭހުގެ ބާވަތްތަކުގެ އިތުރުން ތެލުގެ ވިޔަފާރިވެސް ކުރަމުންނެވެ.
