އެފްއޭކަޕްގެ ފުރަތަމަ މެޗުގައި އަންނަ ހަފްތާގެ ހުކުރު ދުވަހު ވާދަކުރާނީ ސުޕަ ޔުނައިޓެޑް ސްޕޯޓްސް- ސަސްއާ ބިސްބުރު ސްޕޯޓްސްއެވެ. އެރޭ ޔުނައިޓެޑް ވިކްޓްރީއާ މާޒިޔާ ވާދަކުރާނެއެވެ.
މި އަހަރުގެ އެފްއޭކަޕް މި ބޭއްވެނީ ދެ އަހަރު ދުވަހުގެ މެދު ކެނޑުމަކަށް ފަހުއެވެ. ދެހާސް ވިހި ވަނަ އަހަރު އެފްއޭ ކަޕް ފެށި ނަމަވެސް ކޮވިޑާ ގުޅިގެން މުބާރާތް ވަކި ހިސާބަކުން ޖެހުނީ ކެންސަލް ކުރާށެވެ. ދެހާސް ވިހި ވަނަ އަހަރު އެފްއޭ ކަޕް ބޭއްވީވެސް ދެ އަހަރުގެ މެދު ކެނޑުމަކަށް ފަހުއެވެ. އެންމެ ފަހުން އެފްއޭ ކަޕް ފުރިހަމައަށް ބޭއްވިފައިވަނީ ދެހާސް ސަތާރަވަނަ އަހަރުއެވެ. އެ އަހަރު މުބާރާތް ކާމިޔާބު ކުރީ ނިއުރޭޑިއަންޓުންނެވެ.
އެފްއޭމުން އެންމެ ފުރަތަމަ ކަނޑައަޅާފައިވަނީ ޖޫން މަހުގެ އެއްވަނަ ދުވަހު އެފްއޭ ކަޕް ފަށާށެވެ. މި މުބާރާތުގެ ޗެމްޕިއަން ޓީމަށް ފައިސާގެ އިނާމް ހުށަހަޅާފައިވީ ނަމަވެސް އެއީ ކިހާ ފައިސާއެއް ކަމެއް އެފްއޭއެމަކުން ނުބުނެއެވެ.
