ސުޕްރީމް ކޯޓުގެ ބެންޗު ބަދަލުކޮށްފާނެ ކަމުގެ ނުސީދާ އިޝާރާތެއް އުއްތަމަ ފަނޑިޔާރު ދެއްވީ، ހައިކޯޓަށް އަލަށް އައްޔަން ކުރެވުނު ދެ ފަނޑިޔާރުންނާއި މެޖިސްޓްރޭޓް ކޯޓަށް އައްޔަން ކުރެވުނު ދެ މެޖިސްޓްރޭޓަކު ހުވައި ކުރުމަށް ބޭއްވި ރަސްމިއްޔާތުގައި ވާހަކަ ދައްކަވަމުންނެވެ.
ސުޕްރީމް ކޯޓުގެ ބެންޗު ބަދަލުކޮށްފާނެ ކަމުގެ އިޝާރާތެއް ނުސީދާކޮށް ދެއްވަމުން އުއްތަމަ ފަނޑިޔާރު ވިދާޅުވީ، އަންނަ ބަދަލާއި އެއްކޮށް ކަންކަން ބަދަލުވެގެންދާކަން އެނގެން ޖެހޭ ކަމަށެވެ.
ސުޕްރީމް ކޯޓުގެ ބެންޗު ބަދަލުކޮށްފާނެ ކަމުގެ އިޝާރާތެއް ނުސީދާކޮށް، ދައުލަތުގެ އެއް ބާރުގެ އެންމެ އިސްވެރިޔާ ދެއްވިއިރު، ދައުލަތުގެ އަނެއް ދެބާރުގެ ވެރިންގެ މެދުގައިވަނީ ސިޔާސީ ގޮތުން ނުތަނަވަސްކަން އުފެދިފައެވެ.
އަނެއްކޮޅުން އިދިކޮޅު ލީޑަރު ރައީސް ޔާމީންގެ ޝަރީއަތްތައް ކޯޓުގައި ކުރިއަށްދާއިރު ކުރިން ރައީސް ޔާމީންގެ މައްޗަށް ހުކުމް ކުރި ފަނޑިޔާރަކުވަނީ ސުޕްރީމް ކޯޓަށް ޕްރޮމޯޓްކޮށްފައެވެ. އަދި އިދިކޮޅު ލީޑަރު ޔާމީންގެ ގޭގައި މި ފަހަކުން ހަރުކޮށްފައިވާ ބެނާއެއްގެ މައްސަލައިގައި ހައިކޯޓުން ކުރި ހުކުމަކަށް މަޖިލީހުގެ ރައީސް އަދި ދައުލަތުގެ އެއް ބާރުގެ ވެރިޔާވަނީ ފާޑު ވިދާޅުވެފައެވެ.
