ރައީސް ސޯލިހު
މިތިބީ އެކީގައި، 2023 އެމްޑީޕީ ނޫން ބަޔަކަށް ކާމިޔާބުވާތަން ނުފެނޭ: ރައީސް ސޯލިހު
ފާތިމަތު އަހްމަދު ޝަރީފް
21 އޯގަސްޓް 2022 - 19:16:53
އެމްޑީޕީއަކީ ސިޔާސަތުތައް ފުރިހަމަ ތާއީދު ބޮޑު ޕާޓީއެއް ކަމަށާއި، 2023ވަނަ އަހަރުގެ ރިޔާސީ އިންތިހާބު އެމްޑީޕީ ނޫން ބަޔަކަށް ކާމިޔާބު ނުވާނެ ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެ އެވެ.
އެމްޑީޕީގެ ކޮންގްރެސް ނިންމާލަމުން ދެއްކެވި ވާހަކަފުޅުގައި ރައީސް ސޯލިހު ވިދާޅުވީ، ކޮންގްރެސް ފެށުނުއިރު “ހޫނުވެފައި” އޮތް މާހައުލު ނިމިގެންދަނީ “އުފާވެރި، އެކުވެރި” ފިނިކަމަކަށް ބަދަލުވެގެން ކަމަށެވެ.
ވިސްނުން ދެން ބަހައްޓަންވީ 2023 އަށް ކަމަށް ރައީސް ސޯލިހު ވިދާޅުވިއެވެ. އަދި އެ އަޒުމުގައި ވާދަވެރި ޕާޓީތައް ބަލިކުރުމަށް ޕާޓީން ކަނޑައަޅާ ކެންޑިޑޭޓަކާއިއެކު ނިކުންނަންވާނީ އެންމެން އެކީގައި ކަމަށްވެސް ރައީސް ވިދާޅުވި އެވެ.
“ މި ޕާޓީން ކެންޑިޑޭޓޭއް ކަނޑައަޅާނެ. ޕާޓީގެ ގަވާއިދުގައި އެކަން ކުރަންވީގޮތް އެބައޮތް. އެ އުސޫލުގެ ތެރެއިން އަޅުގަނޑުމެން އިންތިހާބުކުރާ، ކަނޑައަޅާ ކެންޑިޑޭޓު ގޮވައިގެން އެންމެން އެކުގައި ނިކުންނަންވާނެ، މިއީ ބޮޑު ޕާޓީއެއް، ތާއީދު ބޮޑު ޕާޓީއެއް ސިޔާސަތުތައް ފުރިހަމަ ޕާޓީއެެއް. އަޅުގަނޑު ހިތުން ކުރިއަށް އޮތް 2023 ގެ ރިޔާސީ އިންތިހާބުވެސް މި ޕާޓީ ނޫން ޕާޓީއަކަށް ކާމިޔާބުވާތަނެއް އަޅުގަނޑަކަށް ނުފެނޭ،” ރައީސް ސޯލިހު ވިދާޅުވި އެވެ.
ރައީސް ސޯލިހު ވިދާޅުވީ، ނިމިގެންދިޔަ ކޮންގްރެސްއިން ފެނިގެންދިޔައީ ހިޔާލުތަފާތުވުންތައް ބޮޑުވިޔަސް ކޮންމެފަދަ ހާލަތެއްގައިވިޔަސް ޕާޓީ އޮތީ އެކީގައި ކަން ކަމަށެވެ.
67%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
33%
ވަރަށް ސަލާމް
ކޮމެންޓްސް
