ކޮންގްރެސް ނިންމުމުގެ ގޮތުން ޗެއާޕަސަން ހައިސިއްޔަތުން ވާހަކަދަކަވަމުން ފައްޔާޒު ވިދާޅުވީ، ނިންމާލަމުން ޕާޓީގެ ލީޑަރު ރައީސް އިބްރާހިމް މުހައްމަދު ސޯލިހާއި، ޕާޓީގެ ރައީސް މުހައްމަދު ނަޝީދު ދެއްކެވި މިސާލާއި، ވާހަކަފުޅަކީ 2023 ކާމިޔާބުކުރުމަށް ލިބިގެންދިޔަ ހިތްވަރެއް ކަމަށެވެ.
އަދިވެެސް ޕާޓީތެރޭ ބޮޑެތި ހިޔާލުތަފާތުވުންތަކެއް އޮންނާނެކަންް ކަށަަވަރުކުރެވޭކަން ފާހަގަކުރައްވާ ފައްޔާޒު ވިދާޅުވީ، ނަމަވެސް އެ ހިޔާލުތަފާތުވުންތަކާއިއެކު ވެސް އެމްޑީޕީން ނަތީޖާ ނެރޭނެކަން ތަކުރާރުކޮށް ސާބިތުކޮށްދެމުންދާ ކަމަށެވެ.
އެމްޑީޕީއަށް ކާމިޔާބު ހޯދުމުގައި ކުރަންޖެހުނު އެއްވެސް ކަމެއް ކުރުމުގައި ފަހަތަށް ނުޖެހޭނެ ކަމުގެ ޔަގީންކަންވެސް ފައްޔާޒު އެރުވި އެވެ. އެމްޑީޕީތެރޭ ވާ ދެބަސްވުންތައް އެއްގޮތްކުރުވާ، އެއްގޮތް ކުރުވުމަށްވެސް މަސައްކަތްކުރައްވާނެ ކަމަށާއި، ކުރިއަށް އޮތްތާގައި ހިޔާލުތަފާތުވުންތައް އެއްގޮތްކުރުމަށް މަސައްކަތް ކޮށް އެކަމުގައި ކާމިޔާބު ހޯދޭނެ ކަމަށްވެސް ފައްޔާޒު ވިދާޅުވި އެވެ.
