އޭނާ މީގެ ކުރިން ހައްޔަރުކުރުމަށްފަހު ދޫކޮށްލާފައި ހުރީ ޝަރުތަކާއިއެކު އެވެ.
އެކަމަކު މިފަހުން ވެސް އޭނާ ދަނީ ޓިކްޓޮކުގައި އަންހެން ހެދުން އަޅައިގެންނާއި، ބަރަހަނާ ފޮޓޯތައް އާއްމުކުރަމުން ނެވެ.
އޭނާ އަނެއްކާ ހައްޔަރު މިކުރީ ބަރަހަނާ ފޮޓޯތައް އާއްމުކުރަމުންދާއިރުވެެސް އޭނާއާއި މެދު ފިޔަވަޅު ނާޅާ ހުންނަ މައްސަލަ ނޫސްތަކުން ފެންމަތިކޮށްފައި ވަނިކޮށެވެ.
ފުލުހުން މިރޭ ބުނީ އޭނާ ހައްޔަރުކުރީ އިޖްތިމާއީ މިންގަޑާއި ހިލާފު ފޮޓޯތަކެއް ސޯޝަލް މީޑިއާގައި އާއްމުކުރި މައްސަލާގަައި ކަމަށެވެ.
އަމިއްލައަށް ބަރަހަނާ މަންޒަރު ރެކޯޑްކޮށް އެމަންޒަރު އޭނާ އެންމެ ފުރަތަމަ އާއްމުކުރީ، މިދިޔަ އަހަރުގެ އޮގަސްޓު މަހުގެ ތެރޭގައެވެ. އޭރު ވެސް ފުލުހުން އޭނާ ހައްޔަރުކުރީ، ހައްޔަރު ކުރުން ލަސްވަމުން ދާތީ ގިނަ ބައެއްގެ ފާޑުކިޔުން ފުލުހުންނަށް އަމާޒުވެފައި ވަނިކޮށެވެ.
ނަމަވެސް މުޖުތަމައުގެ ސަލާމަތަށް ނުރައްކާ ވެދާނެތީ އާއި ހެކި ނައްތާލަފާނެ ކަމަށް ބެލެވޭތީ މަހެއްހާ ދުވަހު ބަންދުގައި ބެހެއްޓުމަށްފަހު، އޭނާ ވަނީ އެއަހަރުގެ އޮކްޓޫބަރު މަހުގެ ތެރޭގައި ދޫކޮށްލާފައެވެ.
އޭނާ ދޫކޮށްލީ ފަސްދޮޅަސް ދުވަސް ވަންދެން ސޯޝަލްމީޑިއާގައި އެއްވެސް އެއްޗެއް ޕޯސްޓު ނުކުރުމަށް ޝަރުތުކޮށެވެ.
