އިއްޔެ ގެއްލިގެން ހޯދަމުންދަނިކޮށް ފެނުނުއިރު ހައްވާފާނު އޮތީ ހޭނެތިފައި
ގެއްލިގެން ހޯދަމުންދަނިކޮށް ފަޅުގެއެއްތެރެއިން ފެނުނު ހައްވަހަންތަ ނިޔާވެއްޖެ
ފާތިމަތު އަހްމަދު ޝަރީފް
02 ސެޕްޓެމްބަރ 2022 - 00:59:37
ގދ. ތިނަދޫއިން ބުދަ ދުވަހު ހަވީރު ގެއްލިގެން ހޯދަމުންދަނިކޮށް ފަޅު ގެއެއްތެރެއިން ހޭނެތިފައި އޮއްވާ ފެނުނު އެ ރަށު ކަސްޓަޑުއާގެ ހައްވާފާނު (ހައްވަހަންތަ)، ނިޔާވެއްޖެ އެވެ.
Advertisement
އުމުރުން 80 އިން މައްޗަށް ގޮސްފައިވާ އެ އަންހެންމީހާ ނިޔާވީ، އައިސީޔޫގައި ފަރުވާދެމުން ދަނިކޮށް މިރެއެވެ.
ހައްވާފާނު ގެއްލިގެން ހޯދަން ފެށީ ބުދަ ދުވަހުގެ އިރާކޮޅު ވަގުތެއްގައެެވެ. އޭނާ ހޯދުމަށް ގިނަ އަދަދެއްގެ ބަޔަކު ރަށުތެރެއަށް ނިކުމެ އެރޭ މަސައްކަތްކުރި އެވެ.
އޭނާ ފެނުނީ، ގެއްލުނު ހިއްކި މާފުށި ސަރަހައްދުން، ރަށުގެ މިއުޒިއަމް ޕާކު ކައިރީހުރި ފަޅުގޯއްޗެއްގެ ތެރޭ ހޭނެތިފައި އޮއްވައެވެ.
ތިނަދޫ އަބްދުއްސަމަދު ހޮސްޕިޓަލާއި ހަވާލާދީ ކައުންސިލުން “ސީއެންއެމް” އަށް މީގެ ކުރިން ބުނެފައިވާގޮތުގައި އޭނާ ފަޅުގޭތެރެއިން ހޭނެތިފައި އޮއްވާ ފެނުނުއިރު އޮތީ ސްޓްރޮކެއް ޖެހިފައެވެ.
އަދި އެވަގުތުން ފެށިގެން ފަރުވާދެމުންދިޔައިރު، ހޮސްޕިޓަލުން މިރޭ އިރާކޮޅުވެސް ބުނީ އޭނާއަށް ފަރުވާދެމުންދަނީ ވެންޓިލޭޓަރުގައި ކަމަށެވެ.
20%
ކަމުގޮސްފި
0%
އަޑުއެހިތާ މިހުރީ
80%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
